ربة منزل تحكى انبهار طفلها وأصدقائه برحلة لمدرسة الصاعقة (صور)

كتب القاهرة 24

نشرت أيرين يوسف، أحدي أولياء أمور أحد الطلاب منشور عبر صفحتها الشخصية على “فيس بوك”، تتحدث خلاله عن الزيارة التى نظمتها مدرسة نجلها إلى مركز تدريب قوات الصاعقة بالجيش المصري.

وقالت”أيرين”، “مدرسة ولادي نظمت رحلة النهارده لمركز تدريب الصاعقه وتعتبر مجانية برسوم لا تذكر ٥٠ جنيه اللي هيا تكلفة باص المدرسه بس.. ابني زي كل جيله ميعرفش عن الجيش غير اسمه.. وبرضو زي كل جيله مش سهل ينبهر او يعجب بحد او حاجه.. ابني رجع من الرحلة واحد تاني.. منبهر لحد الهوس.. مش بيتكلم غير عنها وعن تدريبات الصاعقه.. الحقيقه أنا كمان جالي ذهول من مجرد السمع”.

وتابعت “أيرين” حديثها قائلة:”تحدث معى نجلى عن الترحيب الذي تلقوه من جانب الجنود، وقالى أنهم اخدوهم مكان شيك جدا جوه المعسكر عشان يفطرو (الفطار عباره عن ٣ ساندوتشات فراخ+ ساندوتش جبنه+ ساندوتش مربي+ رز بلبن ومش فاكره الباقي) وبعد كده اخدوهم قاعه عرفوهم فيها يعني ايه صاعقه ودورها ايه وقت الحروب وبعدين اخدوهم بقي ارض التدريبات… اول جزء وروهم تدريبات اقتحام مكان ويقتلو العدو ويحررو رهائن بأقل خسائر وسط ضرب نار وقنابل.. بعدها حضرو تدريبات ازاي فرد الصاعقه يبقي علي قيد الحياه.. ازاي يطلع ميه من الصبار وازاي يعمل نار وازاي يقدر ياكل حيوانات نيه ووروهم عملي قتل ارنب وتعبان وفرخه بالايد فقط وسلخهم وتنضيفهم واكلهم نايين وهما مبسوطين جدا وكمان عزمو الولاد ياكلو معاهم !!!!!.. ابني انااااا اكل لحم تعبان مشوي!!!! وبعدها اخدوهم علي تدريبات التمويه وابني بيحلف ان العساكر كانو قدامهم ومش شايفنهم لانهم متنكرين في شكل كثبان رمليه او اشجار.. وبعدين تدريبات الهروب وازاي بينزلو تحت الميه وفوقهم سلك شائك وضرب نار فلازم يغطس طول المسافه والا يموت”.

وأضافت قائلة:”في نهاية الرحله ادوهم هديه كاب وتيشيرت عليهم شعار الصاعقه وتيتو خصص لهم مكان مميز في دولابه وقالي انه مش ها يلبسهم عشان خايف يبوظو !!!!! ده ابني ؟!!!”.

ولفتت قائلة:”انا نفسي التجربه دي تعمم في كل المدارس علشان الاجيال اللي طالعه تسترجل شويه ويعرفو ان فيه ناس بتشوف الموت عشان هما يلبسو البنطلونات المقطعه والمحزأه ويروحو يتحرشو بالبنات”.

الوسوم

مقالات ذات صلة

إغلاق