مواطن خليجي يسرق منزل المخرج خالد دياب

تعرض منزل المخرج والسيناريست خالد دياب الى عملية سرقة حيث كان يعرض منزله الخاص للبيع وبالفعل تم التواصل معه من قبل مواطن خليجي وتم الاتفاق بينهما على كافة الإجراءات لتسهيل عملية الشراء، وعند زيارة هذا الخليجي لمعاينة المنزل أعجب به وقرر شراء جميع محتوياته دون الفصال في السعر المطلوب.

وكشف دياب عبر صفحته الرسمية على موقع التواصل الإجتماعي ” فيسبوك” تفاصيل الواقعة حيث قال: “عارض بيتي الي عايش فيه للبيع فكلمني مواطن خليجي عايز يشتري البيت و جه اتفرج و عجبه البيت واتفقنا على السعر و مافاصلش في جنيه و عرض يشتري كمان الفرش فوافقت عشان ما اتعبش في نقل الفرش.

وأضاف “المهم قالي آخد رأي مراتي في كام حاجه و قام مكلمها في التليفون ووطي صوته فحسيت انه عايز شويه خصوصية فقالي ممكن اطلع ابص علي الاوضه الصغيرة تنفع مربية والا لا فسمحتله و رجع سألني هاتسيب التكيفات قولتله آه ثم هاتسيب التليفزيونات قولتله آه…قولت لعيشة مراتي اطلع اقوله انه ممكن يبني اوضه للمربية في الجنينة و يستغل هو اوض البيت لعيلته يمكن ده يأثر علي قرار مراته في الشراء قالتلي ملوش لزوم… يا عيشة اطلع اقوله البيعه هاتبوظ قالتلي خليها علي الله”.

واستطرد: ” دقايق ونزل قالي تمام مراتي موافقة ساعه و نتقابل في البنك اكون جبت المحامي ان عملي و مش بتاع تضيع وقت… مراتي قالتلي شوفت ربنا سهلها ازاي، مشي و انا طاير من الفرحة و الأدرينالين متدفق في عروقي، نزلت عشان اقابله في البنك لقيت مراتي بتكلمني بتقولي انت خدت فلوس من شنطتي؟”.

وهنا أكتشف أنه تم سرقته حيث قال: ” فجأه انا حصلي فلاش باك صاروخي.. قولتلها روحي شوفي اي فلوس في البيت ناقصة؟ قالتلي ايه؟ زعقتلها قولتلها روحي شوفي اي حاجة ناقصة حالا… رجعتلي بالخبر اليقين.. البرنس سرق كل الفلوس في شنطة عيشه…كلمته في التليفون طبعا مقفول.. عملت سيرش علي رقمه علي ترو كولر طلع خالتي ام علي”.

الوسوم
إغلاق