“وحيد وبيتعالج”.. قصة الشخص الملتحي الذي يرقص شرقى فى بورسعيد
كشف أحد جيران الشخص الملتحي، والذي ظهر في فيديو وهو يرقص على أنغام إحدى الأغاني، أنه مريض وكان يعالج في إحدى المستشفيات.
وأوضح محمد النجار جار الشخص الملتحي، أن هذا الشخص ملتزم بالصلوات الخمسة في المسجد، مشيرا إلى أنه يعيش بمفرده ولا يتردد عليه أحد.
وأكد في تدوينة له على موقع التواصل الاجتماعي أن، ” الراجل ده من بورسعيد – الزهور وهو ساكن جنبي بكام عمارة جاري يعني.، وهو تعبان وكان بيتعالج ولكن بيجيلو حالة بتخليه يجن او يعمل حجات مش مناسبه، موضحًا، “هو ولا متجوز ولا حاجة وهو في وعيه بيصلي ومبيسبش فرض وملتزم وكل صلواته الخمسة في المسجد يعني احسن مننا كلنا ومحترم جداً وهو كمان عايش لوحده وقليل لما تلاقي حد يجيله فتلاقي اغلب قعادة في الشارع”.
وهاجم النجار من نشر الفيديو قائلًا: “اللي نشر الفديو ده حد قليل الاصل حسبي الله ونعم الوكيل فيه او فيها ويارب ميبتليش حد بمعرفته الصنف ده من الناس”، مشيرا إلى أن “ناس كتير عماله تقول عليه كلام وحش بسبب الفديو وللأسف عاملين share للفديو بطريقة فظيعة وميعرفوش اللي فيها”.
ووجه صاحب التدوينة نصيحة لكل شخص يتتبع عورات الأشخاص ويفضحهم، “أحب اقول اتقو الله دة ربنا قال في كتابة { يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ } فمتكنوش سبب في فضيحه حد الله يستركم ، ربنا يسترنا ويعافينا ويشفية.. ادعوله وياريت اي حد يشوف الفديو يوضح للي منزله علشان كدة حرام”.
وكان قد انتشر فيديو على مواقع التواصل الاجتماعي، يظهر فيه شاب ملتحي يرقص على أنغام إحدى الأغاني ويقوم أحد الأشخاص بتصويره من هاتف محمول، فيما انتشر عدد من التعليقات المهينة للشاب الملتحي وتوجيه السباب له، والاستهزاء منه.
