• بحث عن
  • خالد الجندى يهاجم عمرو أديب: “أنت منفسن منى ليه” (فيديو)

    كتب الحسينى يحيي

    انتقد الشيخ خالد الجندى، عضو المجلس الأعلى للشئون الإسلامية، حديث الإعلامى عمرو أديب، بشأن تصريحاته عن الجنس فى الجنة، قائلا: “امبارح الاعلامى الكبير عمرو اديب بيتحدث مع الدكتور سعد الهلالى عن تنظيم الأسرة، وفجأة قال الشيوخ عندنا بيتكلموا عن الجنس فى الجنة، طيب يا عمرو موضوع تحديد النسل، مش ذنبى اأك صحيت النهارده تتكلم فى الموضوع ده أنا صدعت الناس فى برنامجى هنا بالموضوع ده، إحنا فى خندق واحد من أجل الوطن ايه لازمته اللى عملته ده”.

    وتابع “الجندى”، خلال حلقة برنامجه “لعلهم يفقهون”، المذاع على فضائية “dmc”، اليوم الأربعاء: “عمرو خد بالك كلامى عن الجنس فى الجنة، مهم جدا لأنه كشف مستغلى النساء واللى بيبصوا لها أنها وعاء للشهوة، والدواعش الموجودين فى الإعلام والمؤسسات الدينية.. الناس دى شايفة إن المرأة هى المكافأة التى يحصل عليها اللى هيموت الناس ويفجر نفسه”.

    واستكمل الجندى: “يا عمرو كل واحد يقدر ينصح الناس ويعمل شغله.. شوف أنت شغلك وأنا اشوف شغلى، وكفاية نفسنة، أنا مش فاهم أنت منفسن منى ليه بيظهر فى عينك، عندك نفسنة منى ليه، أنت راجل ديمقراطى لكن هاجمت رأيى فى موضوع النقاب، وتقول داعية ومشهور وأنت مش ناقص شهرة، أنا عاوز أعرف أنت مضايق ليه من رأيى”.

     

    الوسوم

    مقالات ذات صلة


    CIB
    CIB
    إغلاق