ضحك في حصة الدين فانهال عليه المدرس بالضرب (فيديو)
تداول مستخدمو مواقع التواصل الاجتماعي، فيديو لمعلم بأحد المدارس وهو يعتدي بالضرب المبرح، عقابًا له على ضحكه أثناء القاء المدرس لحصته.
وظهر في الفيديو معلم يصفع طالب صغير على وجهه ويوجه له عدة لكمات على ظهره بالإضافة إلى لي زراعه خلفه، وتبين أن العلم يدرس مادة الدين، وفوجئ أثناء إلقاء حصته بضحك الطالب، فما كان له سوى أن يعاقبه بالضرب المبرح.
وقال المعلم أثناء الفيديو: “لما تكون في حصة دين وتضحك يبقي اسمها سفالة.. نجيب ناس مش مسلمة علشان تسمع حضة الدين”.
وبينما كان يعتدي المعلم على الطالب بالضرب، كان ينهيه عن الجلوس مطلقًا، فيما أشار متداولو الفيديو أن تلك الواقعة حدثت في مدرسة “طلائع مودرن سكول” بمنطقة مصر الجديدة، مبينين أن تلك المدرسة خاصة.
وتباينت ردود الأفعال حول هذا الفيديو، فإحدى المتابعات علقت: “اسمعوا كلام المدرس كويس واضح إن الولد مش منظبط ودايما بيضحك.. إيه أنتم عاوزين تبعتوا عيال مش مؤدبة وعاوزين المدرس يحسس عليهم.. أنتم لو مربيين العيال علي احترام التعليم واحترام المدرس ماكانش حصل كده ولا هو اعتراض للاعتراض ومتخليين إنكم اشتريتوا المدرس عبد عند أولادكم.. اتقوا الله في عيالكم وعلموهم الأدب والاحترام.. أقسم بالله العلي العظيم أنا مش مدرسة ولا حد من قرايبي مدرس أنا باشهد شهادة ربنا هايحاسبني عنها”.
فيما قال آخر: “حسبنا الله ونعم الوكيل فيه ربنا يشل ايده اللي اتمدت على الولد لو هو مش متربي يبقى يقدر يجيبله إنذار أو فصل في أساليب كتير محترمة، بس للأسف حبة مدرسين معقدين وبيطلعوا عقدهم على الولاد، أنا عن نفسي بدفع الفلوس اللي بابهم بيشقى فيها وبيطلع عينه عشان يجيبها عشان يتعلموا وأهم من التعليم أن المدرسين يحترموهم ويعاملوهم كويس حتى لو غلطوا ماينفعش أي إنسان يجرؤ يهين كرامتهم أو يلمسهم.. أنا بقول للناس اللي داخلة تعلق وتقول حصة دين والولد بيضحك هي دي أخلاق مدرس دين أصلا ده متعمد يؤذي الولد ويهينه حسبنا الله ونعم الوكيل”.
