مجدي عبد الغنى: “أنا مش حرامي فانلات.. وجماهير بتقبض علشان بيشتموني”
رياضة
قال الكابتن مجدي عبدالغني، عضو مجلس إدارة الاتحاد المصري لكرة القدم: “أنا مش حرامي فانلات زي ما بيقولو، وازاي حرامي يسافر مع المنتخب والبعثة”.
وتابع خلال حواره مع الإعلامية هبة ماهر ببرنامج “8 الصباح” المذاع عبر فضائية “DMC”: “انا تحدثت امام الجميع فى الموتمر الصحفي واتكلمت والناس مش عاوزة تصدق ومش عاوزة تعرف الحقيقة، والموضوع انتهى ومكانش في موضوع أصلا”.
وأردف: “ما يحدث الأن من جانب الجماهير انها بتقبض علشان تدخل تشتم على السوشيال ميديا، خاصة العيال الصغيرة، اللي لا شافوني بلعب ولا يعرفوا عني حاجة، ولا عن تاريخي، بس عندهم تعليمات يشتموني ويهاجموني، علشان فى ناس مشغلاهم كدة، و أنا عارفهم، وفي منهم من النادي الأهلي”.
