سما المصري ترد على ريهام سعيد بسبب قضية فتاة المول: “يا بتاعة العفاريت” (صورة)

أماني حسن

هاجمت سما المصري الإعلامية ريهام سعيد من خلال حسابها الرسمي على موقع تبادل الصور والفيديوهات القصيرة “إنسجرام” بشأن قضية “فتاة المول”.

ونشرت المصري صورة ريهام سعيد وكتبت “الوليه بتاعت العفاريت دي بتقول اني انا اللي ذقيت عليها فتاه المول وانا اللي افتعلت القصه كلها …ليه هو انا اللي قلتلك انشري صورها؟”.

وأضافت “ولا انا اللي قلتلك اسرقي صورها من علي تليفونها ياحراميه الصور؟وموضوع اني اخدت فلوس منك طبعا اخدت منك فلوس تعويض عن اهاناتك ليا لما قولتي اني اخدت ١٠ الاف جنيه وماجتش البرنامج اخدت منك بدل ال١٠ الاف أضعاف أضعاف الفلوس دي”.

وتابعت “وبتقولي انك ماقعدتيش تحت رجليا عشان تترجيني اخلصلك الموضوع عشان ماتتحبسيش وانك مصوراني طيب يلا انشر الفيديو باه عشان الناس تتفرج عليا وانا زلاكي ولما انا متورطه ماروحتيش تشتكيني ليه ولا خايفه تتحبسي تاني؟؟ …هو السؤال بس انتي دفعتي ليا فلوس انا وفتاه المول ليه لما انتي معاكي الحق كده وعامله بورم؟”.

وفي نهاية تدوينتها قالت : “مش الغلابه كانوا أولي بالفلوس دي يابتاعت الغلابه؟…فرحانه انتي اوي اني قلبتك في فلوس ياحجه؟؟هههه..ماهو انا وراكي وراكي محدش هيفضحك غيري طالما انتي بجحه كده يابتاعت العفاريت ولو انا نصبت عليكي يبقي برافو عليا عقبال المره الجايه يا بتاعت العفاريت بالشفاء ياروح خالتك”.

سما المصري تهاجم ريهام سعيد بسبب فتاة المول
سما المصري تهاجم ريهام سعيد بسبب فتاة المول

وكانت القضية المعروفة إعلاميًا بقضية فتاة المول قد بدأت من خلال استضافة ريهام سعيد لفتاة تتهم شاب بالتحرش بها والتعدي ليها بالضرب في أحد مولات مصر الجديدة عام 2015، ولكن لم تقتنع “سعيد” بكلام الفتاة، فنشرت بعض الصور الشخصية لها في حلقة أخرى من برنامجها، ومن هنا إتهمت الفتاة  ريهام سعيد وفريق إعداد البرنامج بانتهاك خصوصيتها وعرض الصور دون علمها.

وكانت ريهام سعيد قد إتهمت سما المصري بالتورط في القضية إذ كتبت على حسابها على موقع “فيس بوك” أن سما المصري اتفقت مع سمية المعروفة إعلاميًا باسم فتاة المول على تلفيق التهمة لريهام سعيد وطلب تعويض منها يساوي 2 مليون حنيه.

سما المصري تتقمص شخصية “سيكرت سانتا” والهدايا “كلسون” يحميك من البرد (فيديو وصور)

الوسوم

مقالات ذات صلة

إغلاق