علق سامح أبو عرايس، الخبير الاقتصادي، ورئيس الجمعية العربية للمحللين الفنيين للأسهم والسندات، على حديث الإعلامى عمرو أديب عن نجل الرئيس الأسبق علاء مبارك، بعدما وصفه بـ”رد السجون”، خلال تقديمه برنامج الحكاية.

وقال “عرايس”، عبر صفحته الرسمية على الفيس بوك:”أنت اللي جبته لنفسك يا عمرو أديب.. مش من طبيعتي أتكلم عن أسرار تعاملات حد في البورصة.. لكن بما أن عمرو أديب غلط في جمال وعلاء مبارك يبقى نتكلم بقى ونكشف جزء من المستور ونكشف عينة صغيرة من تلاعبات عمرو أديب وعائلته في البورصة وربح الملايين على حساب المصريين.. كان في البورصة سهم اسمه “لكح جروب” تبع رجل الأعمال رامي لكح”.

علاء مبارك يرد على عمرو أديب فى ذكرى التنحي (فيديو)

وأضاف عرايس:”لما تعثر رامي لكح في سداد قروض وهرب من مصر انهار سعر سهمه ووصل إلى 40 قرش و 70 قرش وأصبح في جدول اسمه خارج المقصورة.. عمرو أديب عمل لعبة للتربح من الموضوع ده.. فكان بيعمل أيه بقى؟ يشتري هو وعائلته ملايين الأسهم من أسهم “لكح جروب” بأسعار متدنية 50 قرش و 40 قرش وكده بأسماء ناس تبعه”.

وتابع عرايس:”وبعد كام يوم يروج في البرنامج بتاعه وقتها “القاهرة اليوم”، كلام عن أن رامي لكح راجع وهيعمل تصالح مع البنوك ويعمل اتصال برامي لكح أو يسافر يعمل معاه مقابلة شخصية ويذيعها.. فيرتفع سعر السهم بشدة على أمل التسوية وإنقاذ الشركة.. فالسهم اللي اشتراه عمرو وشلته ب 40 قرش و 50 قرش يبيعه بـ2 جنيه وأكثر”.

واستكمل عرايس:”يعني يبيع السهم بـ4 أو 5 أضعاف السعر اللي اشتراه بيه ويحقق ملايين مكاسب.. يشتري بـ10 مليون مثلا ويبيع ب 50 مليون.. كل ده في أسابيع قليلة وعلى حس الشائعة اللي طلعها.. والناس الغلابة من المستثمرين الأفراد يشتروا السهم بالغالي ويخسروا فلوسهم بسبب اللعبة دي وينهار السهم مرة أخرى بعدما يتضح أنها كانت شائعة وان مافيش تسوية ولا غيره”.

واستطرد عرايس:”اللعبة دي عملها عمرو عدة مرات وكسب منها هو وعائلته أموال طائلة.. دي عينة بسيطة من بلاوي عمرو أديب. وفي غيرها كثير.. ولسه ماتكلمناش عن فلوس عماد أديب جابها منين.. وعلاقاته بالتمويل الخليجي.. وعلاقاتهم بيهود نيويورك.. وعلاقاته بالسفارة الأمريكية.. وجاب فلوس جود نيوز منين.. والفلوس اللي عمل بيها صحيفة العالم اليوم جابها منين”.

وتساءل عرايس:”وليه كان بيصرف عشرات الملايين على أفلام بتخسر لمجرد انه يروج لأفكار معينة لحساب مموليه.. أنا مش هاتكلم عن كل ده.. لكن هاتكلم عن تلاعباتكم في البورصة اللي هي مجالي وعارف كويس اللي كان بيحصل فيه.. موضوع لكح ده مجرد عينة صغيرة قوي.. وأنا مش من طبيعتي أتكلم عن أسرار زي دي.. لكن طالما عمرو أديب بيجيب في سيرة جمال وعلاء مبارك يبقى يستحمل ومايعيطش بقى”.

عمرو أديب لـ”علاء مبارك”: “أنت رد سجون” (فيديو)