الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

“كلهم مصطفى أبو حجر”.. فتاة تعاني من الاكتئاب بسبب التحرش المستمر بها 

القاهرة 24
كايرو لايت
الثلاثاء 19/فبراير/2019 - 07:21 م

“إنتي عاجباني وعايز أعمل علاقة كاملة معاكي”.. بهذه الكلمات روت فتاة تدعى “دينا طارق” مأساة حياتها عبر جروب “مش لوحدك – للمشاركة والدعم النفسي” بموقع التواصل الاجتماعي “فيسبوك”.

وقالت الفتاة صاحبة الـ23 عاما: “أنا متعلمة ومثقفة وجميلة زي ما بيقولوا، مشكلتي باختصار إن مفيش راجل اتعاملت معاه إلا وطلب مني علاقه جنسية بشكل مباشر أو غير مباشر”.

وعن طريقة تعاملها مع الرجال أضافت: “تعاملاتي محترمة جدا بشهادة الكل، حتي لما سألت حد فيهم ليه كدا؟، قالي باختصار شديد إنتي عاجباني وعايز منك كدا”.

وتعاني “دينا ” من حالة نفسية سيئة بعد كل مرة يطلب فيها رجل في دائرتها الاجتماعية علاقة جنسية معها، للحد الذي أدخلها في “موود” اكتئاب غير قادرة على الخروج منه، مضيفة في البوست: “طبعا أنا برفض، لكن الموضوع دمرلي نفسيتي ودخلني في اكتئاب شديد، خلاني أبطل أتعامل مع كل الرجاله، حتي زملائي في الشغل مبقتش أقولهم صباح الخير!”.

يبدو أن الفتاة أصيبت بعقدة نفسية ستلازمها طوال حياتها، حيث اختتمت كلامها وهي تقول: أنا بقالي فترة برفض أي راجل أو أي عريس من غير ما حتي أشوفه أو أتعامل معاه دلوقتي، لإني ببقى عارفة إني عاجباه جسدياً لا أكتر ولا أقل”.

واستمراراً لسلسلة الحيرة التي انغمست فيها “دينا” وجهت تساؤل للمتابعين، على أمل الحصول على إجابة ترضي قلقها النفسي: “دلوقتي في واحد زميلي في الشغل بحبه جداً، ومعجبه بيه بيحاول يتقربلي ويكلمني، وأنا طبعا رافضة وخايفة منه، والموضوع ده مدمرلي مشاعري خاصة إني بحبه ومش عارفة أتعامل ازاي؟ ياريت تنصحوني”.

تابع مواقعنا