طلاب الجامعة المصرية الصينية يلخصون حياتهم مع المقررات على طريقة “هيبتا” (صور)
على غرار فيلم هيبتا، الذي يصف مراحل الحب السبع، قدم طلاب الجامعة المصرية الصينية، حياتهم مع المواد الدراسية، تحت شعار “لخصنالك الـ7 مراحل اللي بتمر بيها في علاقتك مع المادة”، وتحت عنوان “7 مراحل المادة.. حب المادة”.
وجاءت المرحلة الأولى بعنوان “البداية”، وقالوا عنها “البداية دايمًا بتفرق، فركز إنك تفهمها ماتحفظهاش، حب المادة تحبك”.
فيما حملت المرحلة الثانية عنوان “اللقاء”، وقالوا فيها “هنا بتتعرف أكتر على المادة، وفي المرحلة دي هتتكتشف فيها حاجات لأول مرة”.
وحملت المرحلة الثالثة عنوان “الحلم”، وقال فيها طلاب الجامعة المصرية الصينية “هنا بتحلم إنك هتقفل”.
ولقب طلاب الجامعة المصرية الصينية المرحلة الرابعة بعنوان “الإدراك”، وحملت القول بـ “هنا بتبدأ يوصلك إحساس إن المادة خلاص في جيبك وإنك هتقفل الـ GPA”.
وجاءت المرحلة الخامسة تحت عنوان “الحقيقة”، وقال فيها طلاب المصرية الصينية “بتتحط مع المادة في أول اختبار حقيقي وهو الميدترم وأول تفكير بيجي في دماغنا.. هعوض في الفاينل”.
فيما جاءت المرحلة السادسة بعنوان “المقاومة”، وقالوا فيها “بتقاوم فكرة إن المادة بتروح خلاص منك، وهنا بنسأل أهم سؤال في العلاقة دي.. هو إيه الملغي؟”.
وأخيرًا جاءت آخر مراحل حياتهم في الجامعة بعنوان “الفاينل”، وقال فيها طلاب الجامعة المصرية الصينية “هنا لازم تعافر أكتر علشان تقدر تعدي من المادة، هنا مفيش اختيار تاني”.