تجديد حبس قاتل والدة دجال إمبابة لممارسته الشذوذ مع زوجته تحت “التنويم المغناطيسي”
أمرت النيابة العامة تجديد حبس المتهمين حول مقتل سيدة تدعى “الجدة عزيزة” والدة “دجال إمبابة”، 4 أيام علي ذمة التحقيقات.
واعترفا المتهم وزوجته في خلال التحقيقات بارتكاب الواقعة، قائلا: «إن من حوالي سنتين، كان بيتردد علينا في البيت ابن المجني عليها واسمه (مصطفى) علشان يفتح لنا مقبرة ويطلع منها كنز وزيبق أحمر في البيت بتاعنا».
وأضاف: «مصطفى كان بييجي البيت كتير، وكان بيمارس الجنس مع مراتي قدام عيني وأنا مكنتش حاسس هو بيعمل إيه، كان بيسحر لنا أو تحت تأثير التنويم المغناطيسي».
وتابع: «فضل يتردد علينا طول السنتين اللي فاتوا ويعاشر مراتي قدام عيني لحد ما من حوالي أسبوع، مراتي تعبت ورحنا للدكتور، وقال لي إني أنا السبب في كده عشان بمارس معاها الجنس بطريقة شاذة.. أنا طبعاً مكنتش عارف حاجة، وبعد ما مراتي خفّت شوية سألتها وقالت لي إن مصطفى بيعمل كده قدامي.. كنت هتجنن وقررت إني أتخلص منه وأقتله وأنتقم لشرفي».
وأشار إنه قام بدبح أمه في ثواني، قائلا: «دبحت أمه في ثواني، رحت له البيت 3 مرات عشان أقتله بس ملقتهوش.. الدجال عاشر مراتي سنتين قدام عيني تحت تأثير السحر قلت أحرق قلبه وأنتقم منه فقتلت أمه».
وأنهى المتهم اعترفاته قائلاً: «قتلتها وأخدت مراتي وهربت من إمبابة ورحت قعدت في شقة في الهرم عشان أبعد الشك عني لحد ما حضرت المباحث واتقبض عليّا واعترفت بكل حاجة في محضر الشرطة».
حيث أمر اللواء رضا العمدة مدير الإدارة العامة للمباحث، بتحرير محضر بالواقعة، وأخطرت النيابة العامة التي باشرت التحقيق مع المتهمين، وبدأت في استجوابهما حول ملابسات الواقعة.
