تداول مستخدمو مواقع التواصل الاجتماعي مقطع فيديو، ظهر خلاله “كايا” يرد على الأقاويل التي ترددت على السوشيال ميديا بعد تأجيل حلقته مع الإعلامي عمرو الليثي.

وقال “كايا” في الفيديو: “كنت مقرر معملش فيديوهات تاني، وأشوف أكل عيشي، عشان اتحسدت وضهري بيوجعني، بس لازم أرد على كل الإشاعات الي بتقول إن حلقة كايا مع عمرو اللليثي اتوقفت عشان هجوم السوشيال ميديا علينا، طبيعي يقولوا كدا”.

وأضاف: “الناس اللي كانت بتشير فيديوهاتي وبتضحك هي الي بتشتمني، احنا شعب بيحب يهين أي حاجه ويشتمها، الحلقة اتوقفت عشان مؤتمر القمة العربية في شرم الشيخ، لإن منطقي جداُ كل القنوات تغطي الحدث، والحلقة في ميعادها عادي يوم الحد الجاي”.

وأشار إلي أن المعلومات المتداولة عنه على السوشيال ميديا، والتي تقول أنه طالب في كلية الطب مرة وأخرى في الهندسة، كلها غير حقيقية، لافتاً إلى أنه يتعمد نشر تلك الصور بنفسه قائلا”: “أنا مش هريحكوا”.

وعلق “كايا” على حلقة خالد عليش الذي ذكر خلالها بأن اسمه الحقيقي، مصطفي سليمان من مواليد 17 مارس 1995، قائلا: “المعلومات دي خالد جابها بعد المداخلة في برنامجه، خد النمرة واداها لحد في شركة أورنج وطلب منه يشوف الرقم متسجل باسم مين، بس هو اتسرع لإن وارد يكون الخط متسجل باسم أخويا أو صاحبي ووارد يكون أنا فعلا، بس أنا مش زعلان منه لأنه عايز يعمل انفراد”.

وتابع: “أنا زعلي ولومي على شركة أورنج، عيب عليكوا، عيب كايا يدمرك، وتسريب بيانات عميل من العملاء عندكوا، وتساءل: يعني تسربوا معلوماتي وتطلبوا مني إعلان في رمضان، كدا مفيش إعلان”.

واختتم كلامه: “عماد كايا بيرد في الدقيقة الـ90، ومش بستسلم واستنوني يوم الأحد الجاي مع عمرو الليثي وأي حد بتاع ألومتال بلاش يتفرج”.

خالد عليش يكشف حقيقة شخصية “كايا” (فيديو وصور)

عاجل.. النهار تُعلن تأجيل حلقة عمرو الليثى مع “كايا”.. تعرف على السبب (صورة)