المدرس المُعتدى على طالب الإسكندرية: “قالي أديك في القلة” (فيديو)

أجرى أشرف، صاحب واقعة فيديو ضرب الطالب بالإسكندرية، مداخلة هاتفية لبرنامج “انفراد” مع سعيد حساسين، كشف فيها التفاصيل الكاملة للواقعة.

وقال “أشرف”: “الطالب أخرجني عن شعوري، قالي كلمة عيب بيقولي يا مستر بلتفت إليه وبقوله أيوه يا محمد، قالي (أديك في القلة)”.

وأضاف: “قولتله أنت عيل متربيتش، لما ييجي عيل من دور ولادي ويشتمني ويضحك الطلاب علي أنا مينفعش يحصل”.

وتابع: “أنا ساكن في العصافرة، إحنا مظلومين ملناش سلطة على عيل ومحدش يقدر يقول لعيل أي حاجة، عندنا في مدرسة الصنايع عربجية مش طلبة”.

وواصل: “أكرم لي أشتغل زبال بدلا من الإهانة التي نتعرض لها في التربية والتعليم”.

https://www.youtube.com/watch?v=j5J6BDMb-Po&fbclid=IwAR1t8klotf3Yx2tZojHo639XBE0dJaj1akEZ8Uws8eqjrCSjuPpTeWQHFAk