هجوم عنيف من عمرو أديب على إسرائيل بسبب هيفاء وهبي (فيديو)

علق الإعلامي عمرو أديب، على قيام المتحدث الرسمي باسم الجيش الإسرائيلي، “أفيخاي أدرعي” بكتابة تغريدة هنأ فيها هيفاء وهبى بعيد ميلادها.

وقال “أديب”، خلال تقديمه برنامج “الحكاية”، المُذاع عبر فضائية “إم بي سي مصر”،: «المتحدث باسم الجيش الإسرائيلي، بيهرج وبيبارك لهيفاء وهبي علي عيد ميلادها، وطبعا هو ميعرفش العرب كويس، وقالها يا هيفاء كل سنة وإنت طيبة بس حسن نصرالله إللي إنتي بتقفي جنبه مفيش معاه فلوس يجيب لك هدية».

وتابع: «أنا بقوله أنا وأخويا على ابن عمي وأنا وابن عمي على الغريب، وعايز أقوله إذا كنت متخيل إن الدعابة تثير العداء لحزب الله فأنت غلطان علشان هي جايه من واحد إسرائيلي، العرب عندهم حاجز نفسي مع إسرائيل حتى الآن».

وتابع: «هي مش قضية سلام وتعاون أمني، عايز أقولك إن الدعابة مجبتش نتيجتها وأرجوا إنك ترجع للظابط بتاعت إللي في الموساد وعمرو أديب بيقولك إن الدعابة دي تعمل تعاطف مع حزب الله، لحد دلوقتي الإسرائيليين مش فاهمين دماغنا ومش عارفين حقوقنا ومش عارفين الوجع إللي إحنا فيه حتى بعد اتفاقية السلام».

https://www.youtube.com/watch?v=0a5onp5QevE&feature=youtu.be