قال الإعلامي عمرو أديب، إنه يحقد على عمرو دياب بسبب فيديو احتفاله مع دينا الشربيني في عيد ميلادها، والذى انتشر على مواقع التواصل الاجتماعي.

وأضاف أديب خلال تقديمه برنامج “الحكاية” والذي يذاع على فضائية “mbc مصر”: “تعبنا يا هضبة كفاية بقى.. فيه إيه الفيديو، عادي، تورتة بـ20 جنيه وصورة بـ5 جنيه زي أى صورة، ما أنا ممكن أحط صورتى مع أنجلينا جولي، هي الناس عاملة هيصة ليه؟!”.

وتابع: “الفيديو 10 ثوانى والناس قعدت تتفرج عليه 20 ساعة فى مصر والخليج.. مش كده يعني الحسد ياهضبة.. احتفل يا حبيبي فى صمت مع نفسك.. وقالك غنالها برج الحوت.. طيب ما طبيعي مهو مغني يغني؟”.

وأضاف: “ستات مصر والعالم العربي طلعوا عنينا وقالوا لازم الرجالة يتعلموا من الهضبة”.

وتابع أديب: “يا عمور عملنا مشاكل وخاف من الحسد”.

وأردف: “وبعدين هو عمل ايه جاب تورتة بـ 20 جنيه وعليها صورة بـ 5 جنيه، كفاية يا عمرو احنا اتهرينا بهدلة وتريقة”.

لكل من سأل أين عمرو دياب من عيد ميلاد دينا الشربينى: إليكم مشهد الاحتفال (فيديو)