هاجم “ابن هدى” والخطيب.. مرتضى يحسم مصير جروس مع الزمالك(فيديو)
حسم مرتضى منصور رئيس نادي الزمالك الجدل حول مصير السويسري كريستيان جروس المدير الفني للفريق الأبيض عقب تأهل الزمالك لنصف نهائي الكونفدرالية الإفريقية.
وقال مرتضى منصور عبر مقطع فيديو إنه لن يجري أي تغييرات على الجهاز المعاون لجروس سواء بضم خالد جلال أو غيره في الفترة القادمة.
وأوضح أن جروس مستمر في الزمالك وسيجدد عقده مع الفريق الأبيض ولن يرحل في الوقت الحالي.
وتابع:” مقدرش أعين حد في الجهاز الفني من غير ما أقول لجروس لازم هو يوافق لأنه متحمل المسؤلية بالكامل أمام المجلس .. وأحب أقول للبعض أن عندي الجرأة لو مش عايز جروس يكمل هقوله أمشي”.
وأضاف:” مقدرش أقوله لعب فلان ومتلعبش فلان .. بس مكن أساله ليه فلان ده مش بيلعب مع الزمالك من فترة”.
وانتقد رئيس الزمالك أحد البرامج الإذاعية التي أعلنت عن خبر تعيين خالد جلال المدرب العام ثم حذف الخبر من الموقع الرسمي، والتدخل في عمل السويسري جروس على الرغم من التأهل لنصف نهائي الكونفدرالية.
وقال:” عايز أقولك يا بن هدى أنك الإذاعة اللي انت شغال فيها دي أو العزبة.. رئيسة الإذاعة لو هي ست جامدة كده أنا أسمي المستشار مرتضى منصور رئيس نادي الزمالك.. أنتوا جايبين واد ألدغ اسمه تامر بيهرج والأخ جمال عبد الحميد بيخرف من غير ما يسؤلني ..المكان ده لو محترم المفروض يكلمني يسألني”.
وتابع:” عرفت الفرق بيني وبينك يا خطيب أنت بتأجر ناس تشتمنا ليل ونهار وأنا بقول الجماهير أوعي تشتم النادي الأهلي أو حد من رموزه”.
