“هليوبوليس الشروق” يستضيف أول حفل لكاريكا بعد أزمته الأخيرة

أثار المطرب والملحن عصام كاريكا ضجة خلال الأيام القليلة الماضية، بعدما صرحت إحدى الفنانات الجزائريات، والتي تدعى تُدعى ياسمين نيار، إنه تحرش بها أثناء زيارتها إلى القاهرة لأول مرة، لتسجيل أغنية جديدة من ألحانه.

ويستعد كاريكا لأول مرة بعد أزمته الأخيرة، لحفل شم النسيم بنادى هليوبوليس الشروق ويشاركه في ذلك الحفل، الفنان لؤي، وسبايسي ميكس، ونجوم “ميوزيك تون”، وكلًا من النجم الصاعد “اسلام حامد”، هايدي جمال وحبيبة زيتون، وذلك يوم 29 أبريل.

وفي وقت سابق كشف كاريكا حقيقة هذه التسجيلات قائلًا: ”إن هذه التسجيلات دليل قاطع على براءته من التُهمة المنسوبة إليه، وتدينها هي”.

وأضاف في تصريحات خاصة لـ”القاهرة 24″: ”أنا بقولها هسافر شرم وهرجع تستلمي غنوتك الخميس، أمال فين التحرش اللي بتقول عليه؟!!، وبعتلها قولتلها حمدلله على السلامة أهلاً”.

وتابع: “هي عايزة فلوسها وخلاص ومش عايزة تنفذ الغنوة بعد 6 شهور، مينفعش فى شغلنا كده، قولتلها لا والله أنا ليا 5 ألاف دولار هاخدهم يعني هاخدهم”.

واستكمل: ” هي بقى عماله تعمل الشوية دول كلهم هجص يعني، كل كلامها يناقض بعضه، أنا رافع عليها دلوقت دعوى وناصبة عليا في 5 ألاف دولار”.

وقال: ” هي جت ونفذنا الغنوة وقالتلي هاخدها أغنيها هناك، و ابعتلك الفلوس معلش عشان اتزنقت في مصر، قولتلها ماشي طالما التنازلات معايا مافيش مشاكل، بعد كده جاتلي كده من أسبوع، أنا مش هغني عايزة فلوسي تاني قولتلها ازاى مافيش الكلام دا”.

وأضافَ: ” بعتت لكل الصحفيين إن عصام كاريكا غلى عليا السعر وعايز ينصب في الفلوس، فرحت باعتلهم الحقيقة كذا ومعايا فيديوهات تثبت”.

واختتم: ” المحامي قالها طب نعمل ايه؟ نلبسه في حاجه تانية يلا نقول تحرش، وانتي في العربية حط إيده على كذا في منطقة كذا، وعيطت بقى أي كلام”.