السيسي بعيد العمال: نحتاج للجدية والاتقان معاً والجهد يخلق حضارة
وجه الرئيس عبد الفتاح السيسى، التحية المواطنين بمناسبة الأعياد، قائلا:”كل سنة وانتوا طبية التحية والاحترام والمحبة والنهاردة يوم جميل ويوم فيه عرفان كتير بالجهد والعمل،والنتائج التى تحققت فى السنين اللى فاتت.
وأثناء حديثه قاطع بعض المواطنين، قائلين بنحبك ياريس، ليرد:”وإحنا بنحبكم جداً، إحنا لينا مين غير شعب مصر وربنا يحمينا كلنا، مستكملاً:”زى ما إحنا سمعنا عن قيمة العمل، وعندى فرصة أنى أشوف دول كتير وعايز اتعلم واعلم نفسى”.
وتابع السيسى:”اوعوا تتصورا أن العمل شىء بسيط ده قيمة عظيمة، وكل الدول الكبيرة لم تعمل بقيادة ونظام فقط ولكن بشعبها وشبابها وشباتها، ورجالها ونساءها، كل دول كل شخص بيعمل عمل ومحصلة عمل الملايين”.
وأشار السيسى، قائلا:” أنا شوفت الكلام ده عبارة عن جهد الناس اللى كانوا بيشتغلوا عشان نعمل حضارة لازم كلنا نعمل بجد واتقان لازم الجد والاتقان مع بعض، والجدية والمثابرة والاتقان نحقق ما نتمناه”.
ويحتفل المصريون اليوم بعيد العمال، بحضور الرئيس عبد الفتاح السيسي، ورئيس مجلس الوزراء ورجال الدولة، في منطقة راس التين في محافظة الإسكندرية.
أعلن الرئيس عبد الفتاح السيسى، منح جميع العاملين بالدولة العلاوة الدورية السنوية، بنسبة 7% من الأجر الوظيفى وبحد أدنى 75 للمخاطبين بقانون الخدمة المدنية، و10% من الأجر الأساسى بحد أدنى 75 جنيها لغير المخاطبين بقانون الخدمة المدنية.
كما أعلن الرئيس منح علاوة إضافة استثنائية لجميع العاملين بالدولة بمبلغ 150 جنيها للعمل على معالجة الآثار التضخمية على مستويات الأجور وتحريك الحد الأدنى لكافة الدرجات الوظيفية بالدولة من المخاطبين وغير المخاطبين بقانون الخدمة المدينة، بما يعكس تحسين أجور العاملين بالدولة، وبحيث يكون الحد الادنى للسادسة 2000 جنيه بدلًا من 1200 جنيه، والثالثة الوظيفية 2600 جنيه، والدرجة الممتازة 7 آلاف جنيه بدلا من 4600 جنيه، وإطلاق أكبر حركة ترقيات للعاملين بالدولة لكل من استوفى المدة البينية اللازمة للترقية حتى 30 يونيو 2019، ومنح أصحاب المعاشات زيادة بنسبة 15% وبحد أدنى 150 جنيه، لقيمة الزيادة مع رفع الحد الأدنى للمعاش إلى 900 جنيه.
