عمرو دياب نجم اللايف في 17 حفلا بـ 5 أغاني جديدة
قدم الهضبة عمرو دياب في الفترة الأخيرة 17 حفلا داخل مصر وخارجها كانت فى السعودية وأبو ظبي ولندن ودبي، وذلك بعد إطلاق ألبومه الأخير “كل حياتي”، ومنهم 6 حفلات جامعية أولهم كانت حفلة جامعة “miu”، فى 18 أكتوبر 2018، وأخرهم حفلة جامعة الأهرام الكندية الذي أقيم أول أمس الأربعاء.
وتألق الفنان عمرو دياب في كل الحفلات وشهدت كل منهم حضور جماهيري ضخم كعادة كل حفلاته، ويعتبر الهضبة من أكثر المطربين الذين يطلقون اغاني جديدة على طريقة live single في الحفلات حيث أصدر خلال الـ17 حفل 5 اغاني جديدة وهم،
“اكبر طموحه” من كلمات الشاعر احمد المالكي.
اللي كان اكبر طموحه اني اتصور معاه.. لما كنت بعدي جمبه كان يقوم يقف انتباه
كان يوصي الناس تشوفني رحت فين وبعمل ايه.. كان بيسأل مين عارفني ويجري يتعرف عليه
واما قرب واما جمعتنا الحياة، بعد لما اديته قلب ونال رضاه
اكتشفت ان اللي بان غير الحقيقة.. ياما ناس ليها وش تاني مخبياه.
“مفيش مهم” من كلمات المستشار تركي آل شيخ.
مفيش مهم ولا اهم في الاخر الدنيا بتمشي.. مين قال دي مابتمشيش
ومهما تكون صعبه الحياة هنستمر ونعيش.
“كترت مواضيعك”.
بناقص حبي ليك عندك حاجات متناسبنيش.. كل اللي خدته منك خلاص مبقاش ياكل عيش
كترت مواضيعك كده هتضر.. مضطر ابيعك وانا بقي حر
سيبك مني.. حل بقي عني. كمل مشاريعك.
“اول يوم فى البعد” من كلمات احمد المالكي.
اول يوم فى البعد.. يوم بيعدي سنين، عمر مابين عمرين ماشي لوحدك تسأل نفسك هو انا رايح فين
اول يوم فى البعد.. لما تبات مجروح، والأحلام بتروح احساسك وحبيبك سايبك زي طلوع الروح
اول يوم من يوم ما عرفتك قلبي يموت.. لينا حياة مع بعض هنعوضها منين احساسك وحبيبك سايبك زي طلوع الروح.
“مفيناش” من كلمات صابر كمال.
مافيناش من بكرا اللي اذانا.. البعد خلاص نسانا إحنا بتوع اللي بيفضل، احنا بتوع اللي معانا
مافيناش من البكي الماضي.. ولا عمر يضيع على الفاضي القلب اهو لساه عايش والعمر اهو لسه قصادي
لو على اللي جالرحنا وسابنا.. اهو جرح جديد في حياتنا وأن كان على تعبي معاه اهو راح في ميزان حسانتنا.
ومن عادة النجم عمرو دياب أن تكون أغاني الحفلات قليلا ما يضمها إلى البوماته ولكنه أكد أن أغنية “أول يوم فى البعد” من أغاني البومه القادم، قائلا ذلك خلال الحفل، وبالرغم من عدد الأغاني الجديدة التي يغنيها الهضبة على طريقة live single في حفلاته الأخيرة في مدة قصيرة، إلا أنهم ليسوا الأكثر في تاريخه.
ولكن أكثر عدد أغاني live جديدة في تاريخ الهضبة غناها في مدة قصيرة كانت في حفلة واحدة مدتها ساعة ونصف وهي حفلة q.net التي احياها الهضبة في الصالة المغطاة بإستاد القاهرة بتاريخ 21 ديسمبر 2012، والأغاني كانت “ماتلومنيش، مفيش منك، ياللى حكايتى معاك حكايات ودوام الحال”، ولكن لم يضم منهم الهضبة سوي أغنية “مفيش منك” في البوم الليلة، وأطلق اغنية “دوام الحال” على طريقة السينجل.
