الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

استبعاد متسابقة في “ملكة جمال المحجبات” بسبب “ريأكت” على فيسبوك

القاهرة 24
كايرو لايت
الإثنين 06/مايو/2019 - 12:28 م

نشرت فتاة تدعى بدور أشرف عبيد، عبر صفحتها على فيس بوك، موقف مثير للجدل تعرضت له أثناء اشتراكها في مسابقة ملكة جمال المحجبات لعام 2019.

وكتبت بدور: “كنت مقدمة في مسابقة ملكة جمال المحجبات لعام 2019، وكانت بالصدفة البحتة صاحبة المسابقة اسمها آية محمود وللأسف كنت وخداها قدوة، دخلت المسابقة واللجنة أعجبت بيا جدًا حتي المتسابقات قالت إنه انا هاخدها وش”.

وأضافت: “وفي يوم لقيتهم منزلين صورتي وأنا مجمعة أكبر تفاعل من الناس، آية محمود عادت التصويت تاني وصعدت متسابقة ملهاش أي تفاعل خالص، وفي المرحلتين كنت أنا أعلى واحدة في كل المتسابقات وكنت متوترة جدًا، وناس كتيرة أوى وقفت جنبي ومكنتش بنام علشان اتابع”.

وتابعت المتسابقة: “وجاءت الصدمة، لقيت مسدج من آية محمود ففرحت، بعدين لقيتها بتقولي فلانة الفلانية بتقول انك بتهكري لايكات وبتعملي عندها ريأكت “هاهاهاها”، وإن دي مسابقة شريفة ولو مبطلتيش اللي بتعمليه دا هنستبعدك من المسابقة، وبالمناسبة احنا عندنا أشهر الخبراء وقالوا أنك بتهكري، والموبايل اللي بتستخدميه هواوي P smart plus”.

وعن صدمتها قالت: “أنا وقتها محستش الا بدموعي، بعتلها ريكورد قولتلها اقسم بالله ما عملت حاجة، وهاجر أختي قالتلها حسبي الله ونعم الوكيل اختي مظلومة معملتش حاجة، ردت اية محمود قالتلي أومال لو اديناكي التاج هتعملي فينا أيه؟ ورزعتني البلوك، انا سيبت كل حاجة مصدومة، والناس بتبعتلي رسايل بتقولي إنتي كسبتي”.

وأردفت: “لقيتها راحت منزلة علي صفحة ملكة الحجاب بتقول التصويت 30% الجمهور و 70% للجنة التحكيم، نزلت فيديو وانا منهارة فيه وحكيت فيه كل حاجة بالحرف، واللي ظلمتني في المسابقة دي واحدة من المتسابقات بتدعم اية محمود وبتهددني إنها هتعملي قضية وشتمتني لا ومش بس كدا، آية محمود بتاعة الحجاب قالت إني مش محترمة وقليلة الذوق وقطعت في فروتي شتايم أثناء التخييم هي وكل اللي معاها بنفس الأسلوب، حاجة يقشعر لها الأبدان وأكلوا عليا فلوسي ومأخدتش أي حاجة”.

واختتمت كلامها: “كل الفكرة إن المسابقة ملهاش علاقة بالحجاب إطلاقًا، افتحي كتاب ربنا هتلاقيه معرفك يعني أيه حجاب، وإن المسابقة دي ما هي إلا سبوبة ونصب وسرقة ومش أنا لوحدي اللي حصل معاها كدا، لازم كل دا ينتهي ما بني على باطل فهو باطل، ودا مش حجاب دا شهرة للبنت، لأن المسابقة كانت بتبص ع الطول والوزن أكتر ما كانت بتبص علي الحجاب، أكبر أخطائي ‘ني نولتهم شرف انضمامي للمسابقة، ولكن لازم نتعلم الدرس وزي ما انتو عارفين ان العلام مش بالساهل”.

تابع مواقعنا