الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

مفاجأة.. إعلان كوكاكولا عن أمم إفريقيا مسروق (التفاصيل بالفيديو)

القاهرة 24
كايرو لايت
الأربعاء 19/يونيو/2019 - 10:25 م

كشف شخص يدعي يوسف حماد كامل، سرقة شركة المشروبات الغازية “كوكاكولا” لفكرة إعلان كأس الأمم الإفريقية الذي طرحته مؤخرا على شاشات التلفزيون.

وقال”يوسف” عبر حسابه الشخصي بموقع التواصل الاجتماعي “فيسبوك”: “البوست ده لتوضيح شوية حاجات ليها علاقة بإعلان كوكاكولا كأس الأمم، عشان الواحد لما بيشوف شغله بيتحط عليه أسامي ناس تانية أكيد دي حاجه تحرق دم أي حد، خصوصاً بعد تعب وشغل صبح وليل لأكثر من ٣ شهور”.

وأضاف: “القصه ببساطه إن أنا والتيم بتاعي قدمنا الفكرة بتاعة campaign كوكاكولا لكأس الأمم الإفريقيه في شهر فبراير وأخدنا موافقة على الفكرة بعدها بشويه، وعشان الموضوع يبقى واضح الفكره مش مقصود بيها الأغنيه فقط، الفكرة أكبر من كده بكتير، وهي إننا نجمع الأندية الكبيرة عشان ينسوا خلافاتهم ويتحدوا مع بعض عشان يشجعوا مصر.. الفكره بدأت أساسا بالكانات نفسها اللي فضلنا شهور شغالين على الديزاين بتاعها، وازاي نعمل كان لكل نادي ومنها عملنا الـoutdoors اللي نزلت والـ graphics demo اللي بيشرح بالظبط الغرض من الفكرة والـcampaign نفسها وهي جمع أندية مصر “اللي هي الكانات” عشان تكسب تيشرت مصر وطبعاً فكرة الأغنية اللي هي طالعة من الفكرة الأساسيه إن كل الأنديه هتتكاتف وتنسى خلافاتها عشان مصر”.

وتابع: “فضلنا شغالين على الأغنية شهرين تقريباً وعملنا structure الأغنية واللي هو كل جزء منها هايبقى مخصص لجمهور نادي من الأندية يغني بأسلوبه وكلمات النادي بتاعه بس الكلام موجه لمصر مش للنادي، وعشان نعمل ده فضلنا أسبوعين بنكلم آلتراس كل نادي من دول ونعمل meetings معاهم عشان نطلع منهم insights أكتر عن كل نادي ومحافظه، وقدمنا معالجات كتير للصورة وبعد ما كنا واصلين لنسبة تتعدى 80٪؜ من تنفيذ الـ campaign كلها ومش فاضل غير تنفيذ الأغنية، بعتنا البريف للمخرج وبعد كده اكتشفنا إنهم بينفذوا الفكرة بتاعتنا مع نفس المخرج واننا كتيم وشركه خرجنا من الصورة والمخرج تعامل منه للكلاينت على طول وهو اللي بيكمل أخر جزء في الـ campaign اللي هي الصورة واللحن من غير ما احنا طبعاً يبقى لينا أي دور”.

وأوضح: “وهو اللي اسمه اتحط أنا بصراحه مابفهمش ازاي حد يقبل على نفسه إنه يحط اسمه على فكرة مش بتاعته، عامة الغرض من البوست ده مش إني أقول إن فكرتنا اتسرقت، مع إن ده اللي حصل، الحقيقة إن الاحترام والتقدير لمجهود الناس اللي تعبت أهم بكتير ودي الحاجه اللي محصلتش تماماً في القصة دي، ولا من الكلاينت ولا من الناس اللي نفذت الأغنية في الآخر”.

واختتم حديثه، قائلا: “معلش طولت بس كان لازم أوضح الكلام ده عشان في ناس كتير قوي تعبت في الـ campaign دي وناس تانية خدت تعبهم، عشان كده محتاج اشكرهم كلهم هنا وأقولهم مبروك على نجاح الفكرة”.

وكانت شركة “كوكاكولا” قد نشرت على صفحتها الرسمية “فيس بوك”الإعلان الرسمي التشجيعي لمساندة المنتخب الوطني في بطولة امم افريقيا 2019،

بشعار”بصوت واحد هنوصل تشجيعنا لبلدنا بقوة مع كوكاكولا”، مهما كان اختلافنا هنوحد هتافنا.هتافات حماسية لكل ألتراس الأندية المصرية القوية.

حيث تضمن الكليب تجميع لاقوى الالتراس المشجعة لاقوي الأندية المصرية وحس الكليب علي التكاتف ،ونسيان الخلافات المحلية ومؤازرة منتخبنا الوطني للفوز بالبطولة و تحميس اللاعبين على الانتصار.

تابع مواقعنا