مفاجأة.. شرطة دبي تحقق في واقعة تحرش عمرو وردة (فيديو)
كشفت الموديل المصرية، ميريهان، عن مفاجآة في تطورات اتهامها للاعب المنتخب الوطني، عمرو وردة ، بالتحرش الجنسي عبر حسابها على “انستجرام”.
وقالت ميريهان، إنها تقدمت ببلاغ ضد لاعب المنتخب المصري، عمرو وردة، في قسم الجرائم الإلكترونية في شرطة دبي، لافتةً إلى أنها في انتظار استكمال التحقيق.
وأضافت: “أنا عندي الشركة بتاعتي ليها فروع في الإمارات وماليزيا.. الشركة بتاعتي أنا بعمل لها ماركتينج للشركة، والفلورز لازم يكونوا من المكان اللي الفلورز برخص التراب، الموضوع مش صعب يعني”.
وعلقت ميريهان على السخرية من صورها قائلة: “رأيكم ميفرقش معايا في حاجة.. أنا مشهورة والشركات العالمية بتيجي تدفعلي فلوس عشان أتعاقد معاهم على إعلانات، فالفصيل ده مش فارق معايا وموضوع الأكونتات بتاعت الفيس اللي بتتكلم باسمي، أنا ماليس أكونتات على الفيس هو الانستجرام وتوتير بنفس اسم الانستجرام، ومش غلط إني أقول لا لواحد بيهني وأو بيشتمني، وأنا مبقبلش الإهانة وعمري ما هقبل الإهانة”.
شاهد مريهان تكشف تفاصيل واقعة تحرش عمرو وردة
ووصلت: “وعن خراب المنتخب، كل بني آدم بيتحمل نتيجة أفعاله.. حياتي ماشية وشغلي شغال ومأثرش عليا خالص الموضوع، المتحدث باسم المنتخب اللي اتكلم وقال الموضوع حقيقي بشكره، وهي الطريقة اللي المفروض الناس تتكلم بيها.. والشتايم البذيئة بالنسبة ليا تحرش معنديش حاجة أخبيها، يعني اللي يروحوا يجيبوا صور ليا وينشروها هما مش جابوها من الشرطة الفيدرالية، دي على الأكونت بتاعي اللي هو عام منذ إنشائه، ورأي الناس مش هيهز رأيي في نفسي”.
وكانت ميريهان قد قالت في مقطع فيديو مصور لها: “أول حاجة، اللي حصل واللي ناس لازم تفهمه إني عايشة برة مصر، بقالي كتير جدًا، ومعوماتي عن الكرة صفر في مصر، معرفش أي حاجة.. ممكن أخر حدود معلوماتي بيبو وبشير.. كنت منزلة ستوري على انستجرام، وبعد 3 دقايق أو أربعة، لقيت 5 أو 6 شافوا الأستوري، وكلهم عليهم العلامة الزرقاء اللي هي بتاعت شخصية عامة أو معروف، فقولت أشوف مين دول.. وكانوا مجهولين بالنسبة ليا”.عمرو وردة يقدم اعتذاره للجميع: “مش هعمل كدا تاني وأنا آسف” (صور وفيديو
وتابعت: “فلما سألت حد من صحابي قالولي إنهم بيلعبوا في المنتخب الوطني، فدخلت أشوف صفحاتهم لقيت المتفق بيهم فعلًا إنهم بيلعبوا في المنتخب الوطني فاستغربت ايه اللي جابهم عندي على الأكونت.. فلقيت رسالة جاية فمردتش.. شوية ولقيت رسالة جاية من الشخص التاني بتاع الضحك وكان رد على الأستوري”.وواصلت: “شوفت الرسالة ومردتش فقالي بعدها إنتي متعرفيش أنا مين أنا محدش يقولي لا بعد كده شتايم وقباحة بألفاظ بذيئة جدًا متتقالش”.
وكانت الموديل المصرية، ميريهان، قد اتهمت لاعب المنتخب الوطني، المحترف في صفوف أتروميتوس اليوناني، عمرو وردة، بالتحرش الجنسي بها.
وكشفت مريهان عن رسائل بعض لاعبي منتخب مصر بينهم عمرو وردة على حسابها الشخصي على موقع التواصل الاجتماعي ” انستجرام”.
ونشرت “ميرهان” فيديو بخاصية “ستوري” على حسابها على “انستجرام” قالت خلاله: “استنوا عليا شوية النهاردة بس افضى وانزلكم حاجة هتسليكم جدا وهتحزنكم وتقرفكم برضو جدا بس ده الواقع اللي لازم نفهمه”.
أول رد من زوجة أيمن أشرف على اتهامه مع لاعبى المنتخب بالتحرش بعارضة أزياء (صور وفيديو)
ورصدت مريهان من خلال خاصية ” ستوري” رسائل عمرو ورده لها، حيث ظهر في الرسائل، أنه طلب منها الذهاب معه الى اليونان.
كما أنه ارسل لفتيات اخري رسائل يبدي فيها أعجابه.
وتابعت: “ولحد كده كان عادي مفيش مشكلة، لكن واحد من الأساتذة يبعت يقولي أنا هعرف أجيب رقمك وانتى متعرفيش أنا مين وأنا محدش يطنشني دي بقى مش مظبوط”.
وأضافت: “والله يا جماعة أول امبارح ده كان يوم حافل، أول ما نزلت “ستوري” جديدة فجأة الناس دي ظهرت عندي”.
وظهر في الفيديو حسابات عمرو وردة وأيمن أشرف وأحمد حسن كوكا ومحمود حمدي الونش، لاعبي منتخب مصر.
وتابعت بالصور: “أن اللاعب عمرو وردة دخل لها على الخاص وكتب “بوكسينج ها ها ها ” تعليقًا على البوست الخاص بها”، فيما علق اللاعب محمود حمدي الونش على البوست الخاص بها برسالة تحمل علامة الإعجاب يصحبها علامة قلب على الشات بينهما”.
وأوضحت “ميرهان”: “فجأة وراها على طول الرسايل بدأت.
أولا أنا دايما برد على رسايلي خصوصا لو مصريين عشان محدش يقول واخدة في نفسها قلم بس إن المنتخب الوطني كله يظهر عندي في نفس الوقت دي غريبة جدا وأكيد مش صدفة”.
“موديل” تتهم 4 من لاعبي المنتخب بالتحرش بالتزامن مع أمم إفريقيا.. عمرو وردة على رأسهم (صور وفيديو)
وأضافت: “للأسف عندنا في مصر لما بيحبوا حد في مصر لما بيحبوا حد بيطلعوه السما كأنه بطل، والواقع غير كده خالص، احنا في مصر لو انتى بنت يبقى الغلط عليكي تلقائي بس احنا هنا مش في مصر، يا ريت الأساتذة يركزوا عالبطولة اللي الراجل الغلبان عندنا في مصر بيستلف ثمن الشاي عشان ينزل يتفرج عليكوا ده ما يجيلوش غلطة، والأستاذ اللي بيقولي انتي مش عارفة أنا مين؟ لا معرفش.. بس عرفت بقى لما سألت وعرفت إن ليك سوابق في المواضيع دي والكل عارفها”.
فتاة مكسيكية تنهي أحلام وردة مع المنتخب.. تعرف على القصة الكاملة (صور وفيديو)
