تعليق مثير من سالي عبد السلام على واقعة احتجاز نانسي عجرم وطفلتها بمطار بيروت
تسببت أزمة الفنانة نانسي عجرم في مطار بيروت، صباح اليوم، بتذكير الإعلامية سالي عبد السلام بواقعة مشابهة تعرضت لها بينما كانت بصحبة والدتها، وتعرضا للاحتجاز بذات المطار لمدة 4 ساعات دون معرفة حقيقة الأمر، واضطرت لطلب السفارة للتدخل.
وقالت الإعلامية على حسابها بموقع انستجرام: “بخصوص مشكلة مطار بيروت اللي فاتت.. واستظراف البعض اللي مقدرش ينتقدني في وشي أو مش هدي فرصة فقالك الكلمة الشهيرة المتنية كفاية مشاكل يا سالي!!، أي كلام.. أنا لو على حق يا بيه ففخورة إني بجيب حقي وبالمشاكل مش زيك يا سلبي يا جبان”.
View this post on Instagram
وأضافت: “يا حرام..تجنباً للمشاكل ابقى مهزق! تبقى مهزق، نقف انشالله 70 ساعة مش 3 ساعات ونص زي ما أنا وقفت بس تغلط فى أمي وتزعقلها قدام الناس.. صدقني هزعلك! ولمعلوماتكم أتحول للتحقيق ومشي، للناس اللي قالت معتذرش، ياريته كان اعتذر”.
وتابعت: “وده كان حق أمي ومن عند ربنا أنا مكنتش أعرف حد ولا احتاجت حاجة من حد مجرد فيديو، قلت عايزة حق مامي!.. وشكرا تاني لسيادة السفير المصرى اللي مقابلتش في جدعنته والله وقنصل مصر هناك”.
حاملة طفلتها على كتفها.. نانسي عجرم تنتقد التكدس وسوء التنظيم بمطار بيروت (صور وفيديو)
وأكملت في منشورها: “وأنت أو انتي عايزيني اسكت يا جبان منك ليها على حقها مش هيكفيني عيلتك كلها والله أنا أسفة، البوست ده جالي من كذا حد من اللي زعلوا من اللي حصلي والأخبار ومن لبنايين قبل المصريين”.
وأوضحت: “على فكرة اللبنانيين بيدخلوا من مكان غيرنا وطابورهم أقل مننا وحقهم وبلدهم.. بس حسوا بينا أنا وأمي ساعتها وزعلوا أن يبقى عندهم حد معندوش رحمة و لا نخوة كدة”.
واختتمت كلامها: “إلا الأمهات والكبار وكمان تقل أدبك وتصرخ قدام الناس وتتهم بباطل أنها قال أيه فتحت آخر شريطة وعدت منها بعزة 3 ساعات ونص وقوف يا مفترى؟ بحسبن فيك لحد النهاردة.. ميعادنا عند ربنا.. ووحياتك لأخد أضعاف اللي اخدته من حقي، حسبي الله ونعم الوكيل”.
سالي عبد السلام تستغيث بالسفارة المصرية بسبب احتجازها فى لبنان (فيديو)
ووجهت رسالة للفنانة اللبنانية نانسي عجرم: ” أنا اسفة وشكراً إنك حسيتي بينا.. احنا اتبهدلنا يومها وحتى الظباط المحترمين قدروا ده وهما اللي ساعدون.. شكرا”.
