أمير مرتضى منصور: “هاتوا وجوه جديدة في اتحاد الكرة”
طالب أمير مرتضى منصور المشرف على فريق الكرة في نادي الزمالك، بضرورة إعطاء الفرصة لوجوه جديدة، على المستوى الإداري، بعد الفشل الكبير في بطولة كأس الأمم الأفريقية، وهزيمة منتخب مصر امام جنوب أفريقيا والخروج من دور الـ16 في البطولة.
وقال أمير في عدة تغريدات على موقع التدوينات القصيرة “تويتر”: “ممكن نستغل الخروج المهين من البطولة إننا نبني منظومة قوية لإدارة الكرة في مصر في العشر سنوات القادمة .. السؤال الأهم من مين هم رئيس وأعضاء الاتحاد القادم .. درسوا ايه وفين.. ممكن نجيب ناس مش مشهورة بس عندهم علم .. والله العظيم مش لازم اللي يشتغل في الكرة يكون لعب كرة #فرصة نصلح”.
جوزيه يهاجم اتحاد الكرة: السبب الأول في فضيحة خروج مصر من كأس إفريقيا
مين اللي بيختار اتحاد الكرة اصلاً!! مراكز الشباب و اندية الدرجة التانية والتالتة ليهم صوت زي الزمالك و الأهلي والأسماعيلي و المصري و الأتحاد بالتالي سهل الحصول على اصواتهم في الانتخابات!! لازم تتحط معايير عادلة لمين اللي ليهم حق انتخاب اتحاد الكرة
٢-مواصفات عضو مجلس ادارة اتحاد الكرة المصري؟؟شرط ان يكون لاعب كرة سابق مقيد بسجلات الاتحاد كلاعب سابق او شغل منصب عضو مجلس ادارة اي نادي!! ودي طبعاً كارثة يعني لو واحد مصري درس في الفيفا او اكبر جامعة رياضية في العالم واشتغل في برشلونة لا يحق له الترشح لمنصب في اتحاد الكرة المصري
مؤهلات رئيس وعضو مجلس ادارة الاتحاد؟؟معظم نجوم الكرة في العالم مؤهلاتهم الدراسية ضعيفة فا مش بالضرورة انك كنت لاعب نجم و موهوب في الزمالك او الأهلي او يوفنتس حتى انك تكون موهوب في الإدارة لازم اي حد يتشرح يكون حصل على دراسات حقيقية من الاتحاد الانجليزي او الاسباني مثلاً #قانون
٤-وظيفة عضو مجلس ادارة اتحاد الكرة؟لا يصح لعضو مجلس ادارة اتحاد الكرة انه يكون دخله من اي شئ متعلق بكرة القدم،عايز تكون في اتحاد الكرة مينفعش تكون مذيع رياضي او مقدم برنامج او صحفي رياضي او محلل او مدرب ده تضارب مصالح،نائب رئيس الاتحاد الاسباني مش بيقدم برنامج كرة في اسبانيا!!
إهمال وتقصير وتربح.. بلاغ يتهم هانى أبو ريدة بالتسبب فى خروج المنتخب من أمم إفريقيا
٦-الكرة لعبة جماهيرية،،مع احترامي لأندية الشركات و المؤسسات واندية رجال الاعمال،يجب تقنين الاوضاع اللاعب اللي اتربى في نادي معندوش جماهير لا يصلح ان يكون لاعب دولي يتحمل الضغط بإستثناء صلاح،النادي اللي معندوش استاد يتملى بالمشجعين يروح يلعب في دوري الشركات
٧-وضع نظام يجبر المستثمرين انه بدل ما يعمل نادي انه يشتري اسهم في اندية جماهيرية محتاجة تطوير زي المنصورة و الشرقية و طنطا و اسوان و غيرهم يعني مثلاً شركة انبي ترغب في الاستثمار الرياضي تنزل راعي لفريق السويس و تمتلك اسهم في النادي و اللاعيبة و هتكسب فلوس
٨-لازم نشوف مدرسة في كرة القدم نعمل معاها تؤامة حقيقية لازم يكون لينا هوية و مرجعية تناسب امكانيتنا و نبعت مدربين واداريين البرازيل و الارجنتين و هولند و المانيا و انجلترا وننقل التفاصيل لمصر ومعايشات و دورات حقيقية مش الدورات اللي بتتاخد زي رخصة القيادة وانت قاعد في البيت
٩-لازم دخل اتحاد الكرة من البث الفضائي و الرعاة يتصرف على حاجتين تطوير الموظفين بالمنظومة وعلى الاندية،يعني مكافأة الدوري المصري لا تقل عن ١٥٠ مليون جنيه والنادي اللي يصعد للمتاز يحصل على ٢٥مليون جنيه،مثلاً لو المصري او الاتحاد خد الدوري مش هيبيع لاعيبته و هيفضل ينافس لسنوات
الكرة وكيفية ادارتها اصبحت صناعة واستثمار و علم،،لما نبطل نختار من برة دائرة الكابتن و الحاج و البشمهندس و الأعلامي والألقاب اللي ملهاش اي علاقة بكرة القدم هنتطور،مش معنى انك كنت نجم و موهوب في كرة القدم انك هتبقى نجم و موهوب في الادارة او التدريب لازم تتعب و تتعلم من الصفر
أزمة جديدة فى معسكر المنتخب.. احتكاك بين سيدة وكوكا عند حمام السباحة (صور)
خلاصة الموضوع في ناس كويسة تعبت و اجتهدت في اتحاد الكرة وفي ناس فاسدة او جاهلة دورت على مصالحها مش لازم نهدم المعبد على اللي فيه.. نستفيد و نطهر و نغير دخلوا شباب مثقف ودارس مع الخبرات الموجودة و هيكسروا الدنيا ،انفنتينو رئيس الاتحاد الدولي محامي ٤٩ سنة و ملعبش كرة بس درسها
محمد فضل وميدو وحازم امام و احمد عبدالله وهيثم فاروق و يحيى نبيل ومحمد زيدان وحسام غالي و عماد متعب واحمد حسن و محمد شوقي وغيرهم كوادر عندهم مقومات يديروا الكرة في مصر بشرط ان يتم إعدادهم بشكل علمي يسافروا ويذاكروا و يتعلموا،لكن كفاية الأسماء اللي مبتتغيرش من ٢٠ سنة
خاص.. المنتخب يحقق في فيديو جنسي جديد منسوب لـ عمرو وردة مع فتاة مكسيكية (صور)
