ممرض يرقص بأطفال رضع داخل حضانة بإحدى المستشفيات يشعل السوشيال ميديا (فيديو)

يبدو أن تطبيقات “الدبسماش” مثل “تيك توك” و”ميوزكلي” تسببت في هوس بعض المستخدمين، فبعيداً عن مقاطع الفيديو المصحوبة بموسيقى غير محببة ومزعجة للكثيرين، ظهر مؤخراً وعلى تلك المنصات مقطع فيديو لشاب داخل حضانة للأطفال أثار غضب الكثيرون.

نشرت سيدة تدعى “أحلام حسين” عدداً من الفيديوهات على حسابها بموقع “فيس بوك”، أشعلت السوشيال ميديا غضباً، أظهرت أحد الممرضين في إحدى المستشفيات وهو يلعب ويرقص بأطفال رضع ويستخدم تطبيق Tik Tok.

وعلقت قائلة: “احنا مش عارفين اسم المستشفى الفيديوهات اتشافت بالصدفه على برنامج تيك توك،الناس اللى لسه بتدافع عنه طيب شايفين البنت و هى من غير دايبر، طيب مخدتوش بالكم من البيبى اللى بيصرررخ و صوت الموسيقى مداريه طبعا اللى بيقولوا الأجانب بيعملوا اكتر من كدا إنتوا طبيعين !!”.

وأضافت: “اللى بيقولوا دا بيدلعهم هى الحضانه معموله للدلع و تصوير الرضع و هما بيصرخوا و عريانين و ف ايدهم الكانيولا ولا للعلاج !! طب دا اللى قدام الكاميرا .. تفتكروا ممكن يكون فى ايه مش قدام الكاميرا !!!!، اتقوا الله و بطلوا تدافعوا عن الغلط .. يا اما وقتها هتبقوا إنتوا بقا شبهوا او اكتر منه كمان.

وتابعت في منشورها: “أنا محروق دمى اقسم بالله ومش قادره استوعب ان فى ناس بتدافع عنه و بتقول بيلاعبهم و هو فاهم شغله دا بيتكلم بطريقه مش طبيعيه دا لازم يتعمله تحليل مخدرات الاطفال دى رايحه تتعالج أقصى حاجه تطلع من الحضانه ترضع و تغير، مش تطلع عشن البيه يصور فيديوهات و يجيله لايكات كتير أنا ابنى قعد ١٣ يوم فى الحضانه مكنتش عارفه بس المسه ولا كان حد بيرضى يطلعه برا الجهاز الا للضرورة حسبى الله و نعم الوكيل”.

وطالبت المتابعين بمشاهدة كل الفيديوهات ومشاركتها حتى يراها أهالي الأطفال، لمحاسبة المستشفى والشخص الذي قام بتسجيها، مؤكدة أن الشخص الموجود في الفيديوهات يعمل داخل تلك الحضانة ومن المفترض أن يكون أمين علي الأطفال بسبب مرضهم الذي استدعى تواجدهم تحت الأجهزة الدقيقة، قائلة: “ده بيلعب بيهم اكنهم عرايس لعبة”.

وأوضحت: “أهالي الاطفال دي اكيد بتموت عشانهم، الإنسان ده مريض نفسي لزم كلنا نعمل شير لزم المستشفي اللي بيشتغل فيها تشوف وأهالى الاطفال دي تشوف عيالها حسبي الله ونعم الوكيل في خاين الأمانة”.

وأنهت كلامها: “أنا شوفت كتير في حياتي بس ماشوفتش واحد معدوم الإنسانية كدا أنا أم ولحد دلوقتى بخاف أشيل أطفال في السن ده هو مش خايف حد منهم يموت في ايده مش صعبان عليه عورة الأطفال أنا عارفه إنكم قدها وهاتتصرفو أنا لقيتو بصدفه علي برنامج تيك توك”.