الأول على الثانوية العامة مكفوفين: “تصدرت أدبي وأنا مبحبوش” (فيديو)

قال الطالب محمود إسماعيل حلمي، الأول على الثانوية العامة أدبي “مكفوفين”، إنه يمتلك صفة المثابرة وله العديد من الأهداف يعمل عليها لكي يحققها، مشيرًا إلى إنه ليس من طبقة فقيرة ولكن متوسطة الحال، مؤكدًا أن أهله وقفوا بجانبه كثيرًا، قائلا:”مش عارف أقدر أشكرهم إزاي على المجهود ده”.

وأضاف إسماعيل خلال تصريحات خاصة لـ”القاهرة 24″، أنه سعيد للغاية، قائلا: “تحس أن طول سنة تعبك مرحش هدر وعدد من السنوات مش سنة واحدة، وأنا مش بحب المواد الأدبية، لكن كان نفسي أدخل علمي بس مليش علمي علوم ولا علمي رياضة، وأن فكرة أدرس حاجة مش حاببها ده شئ مقزز جدًا”.

وتابع: أن أهم شئ في المذاكرة التركيز على عدة أبعاد، قائلا: “مش مهم أذاكر قد إيه، أهم حاجة المذاكرة ديه مثمرة أم لا.. وكنت بحل امتحانات كتير وأنا في شهر أغسطس، وبدأت بـ4 ساعات حتي وصلت لـ15 ساعة مذاكرة، وبقيت أول جمهورية في حاجة أنا مبحبهاش وده يعتبر إنجاز”.

واستكمل الطالب: “كنت بعتمد على المواد اللي كان المدرسين بينزلوها على الإنترنت، وكنت بستزيد وبجيب حاجات تانية وكانت معظمها امتحانات”.