سما المصري لـ”محمود العسيلي”: عيب عليك مافيش مصري بجد يعامل المعجبين كدا (صور وفيديو)
هاجمت سما المصري ، الفنان محمود العسيلي، بسبب الفيديو الذي انتشر له على مواقع التواصل الاجتماعي مؤخراً، وأثار جدلاً واسعا بين جمهوره، لظهوره فيه وهو يحرج معجب طلب التصوير معه بحفله الآخير.
وعلقت سما المصري على محمود العسيلي بالفيديو، عبر حسابها الرسمي بموقع تبادل الصور والفيديوهات القصيرة “انستجرام”، وقالت: “أقسم بالله لما بسمع الشخص دا بحس من صوته أنه ري مايكون في حد عدي علي عرسة و دايس علي ديلها”.
وأضافت: “تواضع للناس ياحبيبي مش أنت مصري بجد وضد الكسر؟؟ عيب عليك مفيش مصري بجد، يعامل المعجبين كده مع أني مش عارفة هم معجبين بيك علي أيه.. فوق ياحبيبي وأعرف أن الدنيا مجنونة نونه نونه نونه”.
رد سما المصري
وأثار العسيلى، غضب الجمهور المصري، بعدما نشرت إحدى الفيديوهات، أثناء حفله الأخير، عندما كان يطلب منه شخص التصوير معه، ولكن قام بالرد عليه بطريقة محرجه، حيث قال: “حضرتك معاك واسطة عشان اتصور معاك يعني، اشمعنى هتصور معاك، ليرد عليه المعجب “عشان بحبك”، فيرد عليه العسيلي: يعني انت بتحبني وباقي الناس اللي في الحفل لأ، ماهو أنا لو اتصورت معاك يبقى هتصور مع الناس اللي موجودة دي كلها”.
وفي اليوم الثاني بعد انتشار الفيديو، حرص الفنان على تقديم الإعتذار لجمهوره الذي غُضب، حيث نشر تدوينة على جميع صفحاته الرسمية بمواقع التواصل الإجتماعي يوضح فيها حقيقة الأمر، وقال: “أي فنان عارف انه من غير جمهوره هو ولا حاجة و صفر على الشمال وإن من تواضع لله رفعه باعتذر بشدة لكل الناس اللي اتضايقت من الفيديو اللي انتشر، و باعترف أني كنت غير موفق تماما في اختيار الألفاظ و لكن الصورة والله ناقصه و كان كل نيتي عدم تمييز حد عن حد اثناء الحفلة،انا أسف مرة تانية “.
بعد فيديو الواسطة أحمد العوضي ساخراً من العسيلي: “ماتتصور معاه يا سلطان الطرب” (صور وفيديو)
وتعتبر هذه ليست الواقعة الأولى، للفنان، حيث أثار غضب الجمهور من قبل، بعدما ظهرت الفنانة اللبنانية ميريام فارس، في مؤتمر صحفي، وقالت إنها كبرت في السن وأسعار حفلاتها كثيرة على مصر، ليرد عليها بطريقة محرجة، حيث إنه وصفها بـ”الكارتة”.ثم بعد ذلك طالبه الجمهور بتقديم الإعتذار الرسمي لها، عبر حساباته على مواقع التواصل الإجتماعي وقال: “: “إلى كل البني آدمين اللي شعركوا كيرلي أو اكرت احب اقولكو ان أمي شعرها أكرت و أنا كنت اكرت قبل ما أبقى اقرع، باعتذر لو سببت آي حساسية.. الموضوع مالوش أي دعوه بشعركوا التحفة الجميل اللي ربنا خلقه كدا”.
وأضاف: “وأنا بأحب الشعر الكيرلي وأول حب في حياتي كان شعرها كيرلي و ممكن اعمل أغنية عن الشعر الكيرلي.. الحمد لله العنصرية عمرها ما كانت من صفاتي.. كلنا بني آدمين سواسية ربنا خلقنا كلنا زي بعض فينا من جماله وخلقه و اختلافنا قي الشكل وفي الفكر وفي الدين وفي الثقافة بيحلينا اكتر مش بيوحشنا.
وتابع: “.كل ما في الأمر ان واحده كارته وخنفة نسيت نفسها واتريقت على مصر والناس اللي بيشتغلوا في مصر فقلت ارد عليها بالطريقة البلدي بتاعتنا اللي احنا كلنا عارفينها و الموضوع مالوش دعوة بشعر أو خنفة حضراتكو خالص”.
وكرر المطرب اعتذاره: “وأنا اسف مره تانية و يا ريت نشير في الخير عشان نحاول نوقف إسهال الهري و شكرا”.
