معتمدًا على جوجل.. شاب ينوي السفر من مصر إلى السعودية لأداء فريضة الحج بـ”العجلة” (صورة)

مع اقتراب انطلاق الموسم، قرر شاب مصري الذهاب لأداء فريضة الحج على طريقته الخاصة، ونظرًا لارتفاع نفقات السفر لم يستسلم “أحمد سالم” أمامها وفكر أن يسافر من مصر إلى الأراضي السعودية بـ”الدراجة”.

وقال لـ”القاهرة 24″:”أنا عديت الـ40 بقالي فترة ونفسي أزور بيت ربنا سواء بأداء فريضة الحج أو العمرة، إمكانياتي المادية حالياً مش مساعدة خصوصًا أن عندي مسؤليات بيت وأولاد، فقررت أعمل دا بالعجلة”.

وأضاف:”أنا فاهم كويس أبعاد الموضوع والتصاريح والتأشيرات المطلوبة، ولكن أنا شايف لما يكون في دعم على السوشيال ميديا السفر هيكون أسهل”.

ونشر “سالم” عبر صفحته على “فيس بوك”، منشور مثير للجدل روى خلال تفاصيل رحتله الشاقة مستخدمًا دراجة، ومطالبًا متابعيه بمساعدته في تلك الخطوة الجريئة كنوع من الدعم المعنوي لاستكمال ما ينوي”.

وقال:”أنا نفسي الفكرة دي توصل لكل القادرين يساعدوا، لأسباب كتيرة عمري ما حجيت و لا طلعت عمرة لحد دلوقتي، وبعد ما عديت منتصف العمر أو يمكن اكتر أو أقل الأعمار بيد الله وحد، زاد شوقي لاني أكمل ركن من أركان ديني أو حتى أطلع عمره وأزور بيت الله، و طبعاً الموضوع بقى أقرب للخيال العلمي مادياً”.

وأضاف: “وبعدين قرأت الجملة دي في أركان الاسلام لمن استطاع اليه سبيلاً وكلمة سبيل لما جت منكرة بدون ألف ولام معناها اللي تقدر تعمله، زمان كان الناس من مشارق الأرض ومغاربها قبل اختراع الطيران بيسافروا آلاف الكيلومترات عشان يحجوا”.

وتابع: “طقت في دماغي وروحت فاتح جوجل وقست المسافة من القاهرة لمكة وطلعت حوالي 1700 كم، يعني تقريباً 6 أيام سفر، سفر أيه اللي هياخد 6 أيام يا عم أحمد!”.

وأستكمل:”سفر بالعجلة أنا حلمي إن أنا ومجموعة من الشباب نسافر لبيت ربنا بالعجلة، الموضوع يستحق المجهود، لعل ربنا يحتسبه كعمل صالح في سبيله، الموضوع هيشجع شباب كتير قادرين انهم يجربوا، و كتير عندنا رحالة بالعجل في جمهورية مصر العربية”.

أداء فريضة الحج

وأكد: “طبعاً الموضع مش بالبساطة دي أولاً لازم اشوف شرعاً ايه اللي المفروض اعمله سواء كان حج مثلاً أو عمرة، وبحرم فين وهعمل ايه وهلبس ايه خصوصاً ان العجل ليه لبس مخصوص في المسافات الطويلة”.

وتابع:”كمان الموضوع هيحتاج عربية اسعافات عشان لو حد لا قدر الله مقدرش يكمل أو تعب، و عربية صيانة يكون فيها قطع غيار للعجل عشان أي عطل لأن مسافة السفر مش قليلة، وإمكانية التخييم عشان الراحة بين كل يوم والتاني”.

واختتم قائلا: “الفكرة خلاص كبرت في دماغي وهبتدي من النهاردة أسعى واتمنى من ربنا يكتبهالي ويعينني عليها وأكون استغليت الرياضة في حاجة ترضي ربنا ولعلها تتقبل”.

ولاقت الفكرة إعجاب العديد من الشباب وبادروا بمساعدة أحمد على تنفيذ فكرته، بل والسفر مع لأداء فريضة الحج ، وقال متابع: “ربنا يوفقك، أنا ممكن أساهم واسوق عربية الاسعاف”.

السفارة السعودية بالقاهرة تحذر من شركات سياحة تصدر تأشيرات مزورة بموسم الحج

وأضاف آخر: “أنا جاهز باذن الله، والاحرام انا عندي اللي يستنانا هناك بعربيات في الميقات ان شاء الله ، اهم حاجه ندرس الموضوع صح باذن الله”.

موسم الحج.. اعرف شروط الحصول على الريال السعودي من مكاتب الصرافة