“الأوقاف” تُهاجم أمير منير: “غير مصرح له بالخطابة ولا أداء الدروس الدينية”
أكد الدكتور حسين عبد الباري، رئيس الإدارة المركزية لشئون الدعوة بوزارة الأوقاف، أن المدعو أمير منير أحمد، ليس له علاقة بالأوقاف نهائيًا.
وأضاف عبد الباري، إنه غير مصرح له بالخطابة أو أداء الدروس الدينية.
وفي وقت سابق، أعلن الدكتور أمير منير الداعية المعروف على صفحات التواصل الاجتماعي، بدء دورات تدريبية للأباء والأبناء لإصلاح علاقات الأجيال القادمة ببعضها البعض.
ردًا على اتهامه بالتجارة بالدين.. أمير منير: للأسف مفيش تعليم ولا معيشة مجانًا
واتهم البعض منير بأنه يتاجر بالدين ويكسب أموال طائلة من خلال الفيديوهات التي ينشرها على صفحته، حيث نفى حصوله على مقابل مادي كبير وإنما هو مقابل مادي ضعيف لتحسين المحتوى فقط” قائلًا: “ده شغلي ودخلي الل بعتمد عليه في معيشتي وبيتي وتعليمي لو أقدر أقدم كل شيء مجانا فعلا لكن للأسف مفيش تعليم مجانا ولا معيشة مجانا للأسف”.
وأوضح منير في منشور له عبر صفحته الشخصية بموقع التواصل الاجتماعي “فيس بوك”: “عشان أنا بعتبركم كلكم اخواتي وأصحاب فضل عليا بعد ربنا سبحانه وتعالى تعالوا نتكلم”.
وتابع: “أنا أمير منير عندي 35 سنة بدأت أعمل فيديوهات دعوية من 4 سنين وبدأت فيديوهات يومية من 6 شهور ودعواتكم يا طيبين أني أقدر أكمل بإذن الله”.
وأضاف منير: “تاجر ديييييييييين وبيكسب ملايين من الفيديوهات .. الفيديو اليومي اللي حضرتك بتتفرج عليه في دقيقتين تلاته بياخد مني نص يومي تحضير وإعادة ومونتاج سريع وعشان أكسب منه لازم إعلانات اليوتيوب والفيسبوك وأنا قافل الإعلانات في الاتنين عشان لا يليق تتفرج على كلام ربنا وفي النص تلاقي إعلان لا يرضي الله وديه وجهة نظري”.
وأردف: “والفيديوهات ملهاش شركة راعية مثلا والداعمين على باتريون جزاهم الله خيرا الدخل الواصل منهم يدوبك يكفي لتحسين المحتوى. فعشان مضيعش وقتك واختصر دخل الفيديوهات تقريبا لا شيء. أمال بتشتغل داعية ليييييييه .. مفيش شغلانة اسمها داعية الدعوة ديه دورنا كلنا أيا كان المجال اللي شغالين فيه كلنا مسلمين والمفروض كلنا دعاة. يبقى أنت بتشتغل أيه .. أنا شغلي في التدريب والكوتشنج وهو ده رزقي”.
