ريهام سعيد تكشف تفاصيل أزمتها الصحية: “كنت هعيش من غير مناخير خالص” (فيديو)

كشفت الإعلامية ريهام سعيد، تفاصيل أزمتها الصحية الأخيرة، وقالت إنها منذ فترة تعرضت لميكروب في “مثلث الموت” بمنطقة الوجه، مشيرة إلى أن الميكروب جاء عن طريق إحدى الوسيلتين إما عن طريق بكتيريا في الأسنان، أو فتحات الأنف.

وأضافت سعيد، خلال مداخلة هاتفية ببرنامج “الحكاية”، المذاع على قناة “إم بي سي مصر”، أن المناعة التي لديها في غاية الضعف، قائلة: “الدكتور كان بيقولي في الأول نشيل مناخيرك خالص وهتعيشي من غير مناخيرك 6 شهور.. وقالي إني حالتي أسوء بكتير من أنف الفنانة حرية فرغلي”.

وأوضحت الإعلامية، أن الميكروب أكل الأنسجة والجلد، مردفة: “الدكاترة خدورا ريسك وخدوا غضاريف من وداني الأتنين بشكل مبدئي وحاطها في مناخيري.. وكان مديني شهر لو لاقي الموضوع تمام هفضل بمناخيري لو حصل في مشكلة هنضطر نشيل المناخير خالص.. بس دلوقتي عدينا شهر الحمد الله .. وهفضل تحت الملاحظة 3 شهور”.

“مستكترين عليا أخف؟”.. ريهام سعيد تنهار من البكاء في أول رد على خبر ادعائها المرض (فيديو)

وفي وقت سابق، ردت الإعلامية ريهام سعيد ، على خبر إدعاءها المرض، ورجوع برنامجها في فترة قصيرة من مرضها الأخير التي أعلنت عنه، منذ شهر تقريبًا، وذلك من خلال بث مباشر على حسابها الرسمي بموقع “انستجرام”.

وبدأت ريهام حديثها: “أنا عملت اللايف دلوقت عشان مينفعش، أقول الكلام دا في البرنامح، أنا بتكلم كمواطنة مصرية مش شخصية مشهورة”.

وقالت ريهام موجهه كلامها لمن روج هذه الشائعة: “يامريض، أنا شايفاها سفالة، وقلة رحمة وقلة أدب وحاجات كتير أوي، يعني هو أنا بشتغل في شركة صغيرة، عشان أعمل عملية تجميل، ويدوني أجازة ثلاثة أسابيع ويسيبوني اتاجر بمرضي، أو اقعد في البيت بالشهر أو امثل اني عيانة،او يقولولك عملت عملية تجميل وتاجرت”.

وأضافت :”هل أنا لميت تبرعات على مرضي، هل أنت مكنتش بتحبني فـ هتحبني، ولما تعاطفت معايا ميزان حسناتي زاد، أو مرتبي زاد، هو عشان قولت راجعة البرنامج، يبقى بمثل يعني اللي بيكون عيان لازم يموت مش يخف.

وتابعت: ” مينفعش ابقى ست كويسة بالنسبالك لا انا ست كويسةن وانا كنت تعبانة وبموت غصب عنك، انا مطلعتش عيطت في فيديوهات ولا قولت لحد، ولا انا اللي أعلنت التعب، كنت دايما قوية ةثابتة وعمري ما تاجرت بحياتي، حتى لما دخلت السجن معملتش كدا

سر خوف ريهام سعيد بعد وفاة فاروق الفيشاوي

وأستكملت: “عملت خير كتير اووي في حياتي وربنا بيقف جمبي، انت بتاع ثورة وبتحب مرسي، يوم الأحد هتتكسف أوي، طلعت وقولت أنا شيلت وداني، اه شيلتها، بس وداني زي ماهي بس من غير عظم، ومناخيري دي حلوه، وذلك بسخرية

وأضافت: “هو أنا كنت محتاجة تجميل، ومينفعش ربنا يكون خالقة حلو، حتى لو عملت عمليات، أنت مالك، أنا حره دي حياتي الشخصية،  اللي حصل اني تعبت وكنت بموت، وعلى فكرة مبيكذبش غير الكذاب ، وبيخون الخاين”.

وقالت: “يعني شريف مدكور، لما تعب وعمل العملية وبعدها بأسبوع رجع بيته وأستقبل الناس، معنى كدا كان بيمثل ان عنده كانسر، هل هو الواحد لازم يموت عشان، هو لازم يككون خبر وفاتي انهارده بدل رجوعي البرنامج، عشان تقول لا هي كانت حقيقة بتقول الحق”.

وتابعت: “لا كنت عيانة وخفيت وبقيت أحلى من الأول، وراجعة برنامجي، نصيحتي  متخلوش حد يصعب عليكو، ودكتوري لما تشوفوه في مداخلة في الحلقة، هيقولكوا إنها معجزة، كل رسائل الواتساب بتاعتي، يقولي أنتي محتاجة معجزة

وأنتهى البث، وهي تبكي، قائلة:”لو مستكتر عليا أني أرجع شغلي، وأعيش حياتي الطبيعية وكنت عايز خبر وفاتي، للأسف مش وقتي ومش ميعادي، مضطرة أثبت اني تعبانة عادي، ولا مضطرة أسيب أبني اللي سنة ونص عشان خاطرك”.