اتضربنا ودفعنا فلوس.. تفاصيل التعدي على أسرة بقرية “مارسيليا أكوا بارك” بمرسى مطروح (صور)
روى أحمد عبد الظاهر، أحد مستخدمي موقع التواصل الاجتماعي، تفاصيل تعرضه هو وأسرته للتعدي والضرب، على يد الموظفين بقرية “مارسيليا اكوا بارك” بمرسى مطروح.
وقال عبد الظاهر، عبر على صفحته الشخصية بموقع “فيس بوك“، إنه ذهب وهو وعائلته، إلى قرية “مارسيليا أكوا بارك” بمرسي مطروح، وكان عددهم 13 فرد، مشيرًا إلى أن سعر دخول الفرد 180 جنيه، موضحًا أن إدارة الشاطئ أبلغتهم بمنع دخول المأكولات والمشروبات، “فطلبنا 13 كانز كوكاكولا لإن كان في طفل من اللي معانا مش بيشرب المشروبات الغازية، أختي طلبت منهم يغيروها بعصير فريش.. قال مينفعش عشان اتضربت علي السيستم طبعا ده كلام مش منطقي، فقالتله إزاي يعني قالها أصل العصير أغلى، قالتله ندفع الفرق قالها لا برضو مينفعش وهروح ألم الحاجه من ع الترابيزه وهتدفعي فلوس الأوردر حصلت مشادة”.
وأضاف “أحمد”: “الواد الويتر اسمه عبد الله كان هيمد ايده علي اختي راح اخواتنا جريوا حصلت مشاده كلامية والمدير قال خلاص نجيب عصير وحصل خير روحنا نكمل يومنا جالنا الويتر البلطجلى جايب الشيك وبرضو مجابش العصير وعايز يحاسبنا علي الاوردر في حين إنه قال ان الحساب اخر اليوم زوجي قاله انا عايز عصير قاله لا مفيش فزوجي حط ايده علي كتفه قاله تعالي وريني لأن التلاجه قدامنا فيها عصير قاله اييييييييدك وراح نادى علي البلطجيه اللي شغالين كلهم اتلموا علي زوجي يضربوه روحنا كلنا نحوش رجاله وستات واطفال راحوا جريوا جابوا شوم وراس الشيشه ودغدغوا علينا الشيزلونجات وجريوا علينا كلنا ضربونا بالشوم ووقعونا كلنا بالاطفال في البيسين عورونا وبهدلونا وسرقونا”.
وتابع: “اتصلنا بشرطه السياحه قالوا انهم غير مرخصين اتصلنا بالنجده تلحقنا اتبهدلنا واتمرمطنا وف الاخر عشان احنا ف بلدهم هددونا وخلونا نتنازل عن المحاضر في مقابل انهم يسيبونا نروح ضيعولنا اليوم ودفعنا فلوس علشان نتضرب وحتي لم نسترد فلوسنا”.
الإعتداء على أسرة بـ مارسيليا أكوا بارك
