الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أحمد صقر يكشف تفاصيل استعدادات الأقصر واسوان لاستقبال موسم “جولدن ويك” (صور)

القاهرة 24
كايرو لايت
الجمعة 09/أغسطس/2019 - 08:36 م

كشف أحمد صقر ، رائد الأعمال والشريك المؤسس في فندق آشري نارتي، عن تفاصيل استعداد محافظتي الأقصر وأسوان لاستقبال موسم “جولدن ويك” لأول مرة في مصر.

وقال صقر في منشور له على صفحته الشخصية على موقع التواصل الاجتماعي “فيس بوك“: ” زي اليابان فيها واحد من أشهر المواسم السياحية اللي بيستنوها من السنه للسنه اسمه golden week ..مصر كمان هايبقي فيها golden week من 24 إلي 30 أكتوبر القادم هاتتحول مدينتي الاقصر و اسوان الي ساحات احتفال تاريخية و هاتستقبل مطارات الاقصر و اسوان رحلات شارتر و رحلات طيران خاص بأثرياء العالم و افراد من عائلات ملكية من عدة دول علشان يحضروا عروض أوبرا عايدة في احضان معبد حتشبسوت و جبال البر الغربي “.

 

 

وأضاف: ” المخرج الألماني للعرض هايستخدم تقنيات الإبهار بالضوء والصوت بنفس الطريقة الي تم استخدامها في حفل افتتاح كاس أمم إفريقيا علشان يرجع المعبد بالمتفرجين الاف السنين للوراء يتفرجوا علي قصة الحب العظيمة بين الفاتنة الحبشية عايدة و القائد المصري رادميس ..السنادي أشهر سوبرانو من كوريا الجنوبية هاتقوم بدور عايدة وعلشان كده التلفزيون الكوري بيتفاوض علي بث مباشر و مطار الاقصر بيستقبل رحلات شارتر مباشر للناس اللي اشتروا التذاكر و قرروا الحضور “.

وحول أسعار التذاكر ومؤشرات مبيعاتها قال صقر: ” مبيعات التذاكر بتقول ان باذن الله في بشاير موسم سياحي محصلش قبل كده في مصر “.

وأضاف: ” لأول مره تتباع كل تذاكر ال VIP الأغلى في خلال اقل من اسبوع من طرح التذاكر للبيع ..بنتكلم عن تذكرة ب ٧٥٠ دولار نفذت بالكامل ل تلات عروض هايحضرهم 2000 مشاهد في كل عِرض ..وبسبب شدة الإقبال تم استخراج تصاريح اقامه عروض اخري إضافية “.

 

وأشار صقر : “بعد مرور 150 سنه علي اول مره أوبرا عايده في افتتاح قناة السويس سنة 1869 النهارده بنحتفل تاني بأوبرا عايدة في احضان معبد حتشبسوت”.

وآختتم: “موسم 2019 – 2020 للسياحة المصريه باذن الله موسم خير كبير لكل الناس و ربنا يحفظ بلدنا و يرزقنا السلام ..اخر كلمة ختمت بيها أوبرا عايده ( السلام )”.

 

عودة أوبرا عايدة إلى معبد حتشبسوت في الأقصر

تابع مواقعنا