• بحث عن
  • أحمد حسن يستعين بوالدته للرد على ريهام سعيد (صورة)

    إسلام دوام

    علق نجم منتخب مصر السابق أحمد حسن عن تصريحات ريهام سعيد تجاه مرضى السمنة المفرطة، والتي تسببت في إثارة الجدل حولها، وكانت السبب في توقف برنامجها “صبايا” على قناة الحياة.

    وقال عبر حسابه الشخصي بموقع التواصل الاجتماعي”فيس بوك”:” الأستاذة ريهام سعيد ، خرجت علينا وقالت بالنص “الناس التخينة ميتة، عبء على أهلها وعلى الدولة، وبيشوهوا المنظر”،”منظرك بيكون مش حلو وأنت بالعباية أو الجلابية ومش قادرة تمشي، بتفقدي جزء من أنوثتك”.

    واضاف:”بصي هكلمك عملي وبدون تنظير.. شايفة الست القمر السمينة دي تبقى أمي وفي زيها ملايين من أمهاتنا واخواتنا العظيمات إللي جابوا رؤساء وعلماء ومبدعين ورياضيين وفنانين وإعلاميين للأسف انتي واحدة منهم وناجحين في كل المجالات في البلد”.

    أحمد حسن يوجه رسالة لريهام سعيد
    أحمد حسن يوجه رسالة لريهام سعيد

    وتابع :”الناس دي تعبوا وشقوا وعرقوا واشتغلوا وقعدوا على ولادهم وعلموهم وحاجات كتيرة فى مشوار الحياة، الأمهات دول بركة حياتنا وكفاية دعوة واحدة بس منهم تريح القلب وتفتح الأبواب المقفولة الناس دي اللي أنتي متعرفيش عنهم وعن ظروفهم حاجة أنتي اتكلمتي عنهم بسوء لأنك بإختصار معرفتيش قيمتهم ولا هتعرفيها لأن الناس اللي وصفتيهم بالميتة دول مبيموتوش حتى ولو رحلوا عن الدنيا لأننا بنعيش بكل حاجة حلوة علموها لينا وسابوهلنا وبيسبوهلنا”.

    وأردفت:”يا ألف خسارة على الإعلام اللي بدل ما يعلم وينصح ويقدم رسالة محترمة بقى يسخر وينظر على الطيبين اللي فاضلين في حياتنا”.

    واختتمت حسن حديثة، قائلا:”نصيحة لوجه الله على الملأ زي كلامك ما كان على الملأ.. راجعي نفسك وحاولي تعتذري لكل الناس اللي زعلتيهم جايز يسامحوكي”.

    نقابة الإعلاميين تحيل ريهام سعيد للنيابة العامة بسبب تصريحات “السمنة” (مستند)

    رد ريهام سعيد

    وفى وقت سابق ردت الإعلامية على منتقديها للمرة الثانية، بسبب تصريحاتها الأخيرة عن مرضى السمنة المفرطة، عبر فيديو بثته على قناتها الرسمية بموقع “يوتيوب”

    وقالت: “الأيام دي بتفكرني بأي فترة بنعمل فيها حلقات قوية جدًا، فأنا مبسوطة جدًا أننا غايظين ناس كتير، إحنا عملنا جراحات لناس كتير أوي الأسبوع اللي فات، والستات كلهم زي الفل وصحتهم كويسة أوي”.

    وتابعت: “وأنا عارفة أن فيه ناس كتير أتضايقت ودكاترة كتيرة أوي، والنجاح بيضايق، للمرة الأخيرة لجمهوري اللي بيحبني، احنا مجرحناش حد ولا اتكلمنا على حد، والناس اللي 200 كيلو، هما فعلا عبء على الدولة، لأنهم مبيشتغلوش، والسمنة لو معندكش مشاكل في الغدد والجينات، أنت خترت تكون تخيين، فأنت جبته لنفسك”.

    وأردفت: “لما كنا بنتكلم على الناس اللي بيلبسو سدال وعباية، دول ناس بسيطة هنقول جزء منهم أمُي، لازم تكلمهم بطريقة مختلفة، غير أنك تقوله هيجيلك سكر وضغط وكولسترول، لأن كل اللي حواليه بيقوله التخن دا عزوة وأحلى حاجة في الدنيا”.

    وأضافت: “لازم نعرف إن شكلنا وحش، ومنظر مش لطيف، وفعلاً هو مش متحضر، واحدة كتبالي في الكومنتات مانتي كنتي عجلة، يعني أنتي بتشتمي التخان أهو، ناس غريبة أووي”.

    وتابعت: “وأنتو بتتريقوا على التخان وبتطلقوهم ومش بتتجوزوهم، سيبونا نساعدهم، ونخسسهم وننصحهم، بدال أنت مبتعملش حاجة خليك في حالك”.

    وأكملت: “وكل ما كنا بنعمل حلقة قوية بنلاقي هجوم، فكرتوني بأيام زمان، أحنا موجودين، واحنا ربنا معانا، ومش هنقع، وللناس اللي بتزيط في الزيطة ومش فاهمة اتفرجوا على الحلقة وشوفوا ساعدنا ناس قد إيه ونصحنا ناس قد إيه”.

    واختتمت: “والتخن حاجة سيئة جدًا ونقمة، وأي حد بيقولك حاجة عادية، لا هو بيضرك مش بينصحك، ناس كتير عندها مشاكل كتير جدًا، والتخن بيخلي الناس عايشة ميتة أنا عارفة عشان كنت تخينة”.

    الوسوم

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    مقالات ذات صلة


    CIB
    CIB
    إغلاق