الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

إيساف يحيي حفل زفاف من “السوشيال ميديا” دون مقابل مادي: “احنا بنكمل بعض” (صور وفيديو)

القاهرة 24
فن
الثلاثاء 27/أغسطس/2019 - 12:22 ص

أحيا الفنان إيساف حفل زفاف أول عروسين من جروب “أنا وابن عمي بنساعد الغريب” والذي تم تدشينه من قبل جمعية رسالة رمضان 2019، بهدف مساعدة المشتركين بعضهم لبعض، دون مقابل مادي.

ونشر إيساف فيديو من داخل فرح العروسين، مشيرا إلى أن ذلك من فعل الخير معربًا عن سعادته البالغة بمساعدة الأخرين مطالبا جمهوره بمساعدة الأخرين قدر الإمكان.

https://www.facebook.com/Esaf.OfficialPage/videos/3543210362371469/?sfns=mo

وكتب إيساف عبر جروب “أنا وابن عمي بنساعد الغريب”، عقب إحياءه الفرح: “بشكر كل الناس الطيبة اللي انا اتشرف اني اكون منهم علي تشجيعهم ليا و علي اي و كل كلمة حلوة قالوهالي و كل دعوة حلوة دعوهالي وتاني احنا كلنا بنكمل بعض واللي في ايده حاجة يقدر يعملها يعملها في اي مجال و بالنسبة لأي حد برده لسة بيتريق او بيقول كلمة وحشة في حقي او في حق اي حد بيحاول يخش عالناس بالفرحة دي الابتسامة في وش اخيك صدقة احب اقول لكل القلوب السوده اللي سوقفوا اي مركب ساير و يرجعه بلد بحالها لورا انا هفضل كده و تاني ده مش اول واخر فرح هروحة دي هتكون خطوة من خطوات حياتي كل فترة هعملها و هروح فرح الجروب المحترم يختارة لأنه جروب مصدر ثقة بدون اي مقابل مهما وصلت من نجاج بكرم رالله و حب الناس اللي عملتلنا قيمة في المجتمع بدون اي اجر. وديما ان شاء الله ربنا سقدرني اوفي بوعدي”.

وكان إيساف قد فاجأ أعضاء الجروب تحديدًا في 22 يوليو الماضي بمنشور قال فيه: “مساء الخير يا أهل الخير أنا المطرب إيساف، وفرحان أوي بالجروب ده وشرف ليا إني أكون موجود معاكم بأي طريقة أقدر أساعد بيها أو أكون سبب في فرحة أي حد من الجروب، فأنا بوعدكم إني هاغني في أول فرح لعريس وعروسة يكونو من الجروب من غير أي مقابل مادي واتمني ده يسعدكم ويفرحكم ودي أقل حاجة أقدر اعملها دلوقتي وكل فترة هكون معاكم بأي طريقة أقدر أساعد بيها كفنان”.

ولاقت الفكرة إعجاب آلاف المشاركين، وقاموا بتوجيه رسائل المحبة والشكر للفنان على دوره الإنساني في مساعدة الغريب، خاصة وأنه يعد من أول الفنانين الذين بادورا بالمساعدة في فرحة زوجين دون تردد.

 إحياء إيساف حفل زفاف عروسين "من غير فلوس"
إحياء إيساف حفل زفاف عروسين “من غير فلوس”

إيساف يتعاقد على ألبوم جديد ويصور 3 أغاني منه 

يذكر أن آخر أعمال الفنان إيساف، فيلم “كازانوفا”، الذي تم طرحها خلال الفترة الماضية في موسم شم النسيم بدور العرض السينمائية وشارك في بطولته بجانب إيساف كل من راندا البحيري، و الهام عبدالبديع، وأحمد التهامي، ومها أبو عوف، ويشارك المطرب عبدالباسط حمودة، بالغناء، خلال أحداث الفيلم، وهو من تأليف وسيناريو وحوار هيثم وحيد، وإخراج أسامة فاضل.

تابع مواقعنا