رينيه فايلر “عينيه حلوة وكلها حنية”.. موجة إعجاب من الفتيات لمدرب الأهلي الجديد

بعد إعلانه مدربا للنادي الأهلي، كان للجميع رأي في “رينيه فايلر”، فالرجال تناقشوا مناقشات حادة حول خططه الهجومية، وطريقته في الملعب، بينما كان للفتيات رأي آخر.

قالت نرمو سليم، “فايلر” مدرب سو كيوت وعينيه حلوة، بصراحة عليه نظرة تخطف، كاسر صورة المدرب التقليدي، تحسيه شاب صغير ولسه لاعب مش مدرب، ولما يعتزل التدريب ممكن يبقى نجم سينمائي”.

بينما قالت شوشو، “أنا لو علقت على المدرب الجديد للأهلي هاتطلق”.

في حين قالت أماني سامي، “في الأول لما قريت أسباب اختياره حسيت ناقص يقولوا عشان بيشرب اللبن دافي ويغسل رجليه قبل ما ينام .. فكان شاغلني اختاروه ليه؟ .. بعدين شفت صوره، وبقى اللي شغالني إزاي حد يكون شكله أحلى بالنضارة النظر“.

قالت “ميسة” عن فايلر، “مدرب نظرته كلها أمل وحنية”، بينما قالت منة حسين، “فعلا عمري ما احب غير الأهلي و لا في غيره يفرحني“.

رحّبت بسمة راضي بالمدرب الجديد قائلة، “لو هايلبس زي جراديولا أنا موافقة بيه”، وتقول “نسمة”، “ما شاء الله  تحسي أنه ليه طلة زي بتاعت نجوم ومشاهير هوليوود كده، حسيته فيه من جيرارد باتلر بس النسخة الكيوت بتاعته أو جايمس دين، بغض النظر عن تاريخه وانجازاته القليلة، بس نقول إيه يوضع سره في أوسم خلقه”.

في حين كان رأي ياسو سامح، أن المدرب الجديد للأهلي يشبه القمر، ولكن إذا كان الموضوع بالشكل، فيجب أن يكون خطيبها هو مدرب الأهلي، لأنه أكثر مهارة من المدرب الجديد، وأوسم منه أيضا ومفيش، “ولا فايلر ولا غيره، خطيبي للأهلي ومفيش غيره”.

إقرأ أيضا:

فايلر وجهازه المعاون يتفقدون ملعب التتش وغرف خلع الملابس بالأهلي