“ارحمني وارحم أمك شردتنا وموتنا بالحياة”.. التصريحات الكاملة لوالد الفنان محمد علي (فيديو)
قال الكابتن علي عبد الخالق، والد الممثل محمد علي صاحب الفيديو المسيء لمصر، إنه في حالة شديدة من الندم، جراء التصريحات التي قالها نجله، موضحًا أن القوات المسلحة سبب في سكنهم بالقصور والفلل، وأن الإخوان هم من أغوا والده.
ويستعرض “القاهرة 24” خلال السطور الآتية جميع التصريحات التي أدلى بها “والد محمد علي”، خلال لقائه مع الإعلامي أحمد موسى، مذيع برنامج “على مسئوليتي” على فضائية “صدى البلد”.
إحنا في الجيش بناخد حقنا وزيادة
قال الكابتن علي عبد الخالق، والد الممثل محمد علي صاحب الفيديو المسيء لمصر، على أنه فوجئ منذ سنة بتغير في سلوك نجله، بعد تردده على السفر للخارج.
وأضاف “أنا اتضايقت منه ومن تصرفاته الأخيرة”، متابعًا أنه يعمل منذ سنوات مع الجيش، موضحًا أن ثروتهم الضخمة والقصور التي يسكنونها كان السبب فيها الجيش والقوات المسلحة.
وتابع: “إحنا في الجيش بناخد حقنا وزيادة، وإحنا مشاريعنا في الجيش لإن حققنا مضمون، وإحنا اللي عملنا مشروع الفرافراة ابني إبراهيم واخده”.
عنده قصر في مارينا بـ35 مليون وباعه لمحمد رمضان بـ10
قال الكابتن علي عبد الخالق، والد الممثل الهارب محمد علي صاحب الفيديو المسيء لمصر، إنه جمع ثروة هو أولاده من القوات المسلحة، ومشاركاتهم مع الجيش في مشروعاته.
وأضاف عبد الخالق، “مشاريعنا كلها مع الجيش، والحاجات الحساسة بالجيش”، متابعًا: “إحنا عايشين في قصور وفلل وده من فلوس الجيش، محمد مش محتاج حاجة وعنده قصر في مارينا بـ35 مليون، واداه لمحمد رمضان بـ10 مليون، وعنده فلوس كتير وده كله من الجيش”.
وأكد على أن مشاريع أولاده مازالت مستمرة حتى الآن في الجيش، متابعًا: “أنه لم يقترض حتى الآن، ومخدش قروض، وصرف على فيلم 27 مليون جنيه، ولم يربح منه شيئًا”.
محمد علي بيلعب بالنار وسأتبرأ منه إذا استمر في طريقه
قال الكابتن علي عبد الخالق، والد الممثل الهارب محمد علي، صاحب الفيديو المسيء لمصر، إنه سيتبرأ من نجله إذا استمر فيما هو عليه الآن.
وأضاف عبد الخالق، أنه تواصل معه اليوم، متابعًا: “هو على تواصل مستمر معنا حتى النهارده لسه مكلمني”، موجهًا له رسالة: “إنت بتلعب بالنار والناس حطوك في وش المدفع”، موضحًا أنه لو تقابل مع من غير نجله بهذا الشكل لقتله، إلا أنه لا يعلم من هم.
وأوضح والد الممثل الهارب محمد علي، أن ثروة نجله تخطت مئات الملايين بسبب القوات المسلحة، مؤكدًا على أنهم كانوا يسكنون في شقة سكنية، وأصبح لديهم قصور وفلل.
محمد علي كلمه مسئول قطري قاله “اجهز فيه طيارة خاصة جايالك”
كشف الكابتن علي عبد الخالق، والد الممثل الهارب محمد علي صاحب الفيديو المسيء لمصر، عن انضمام نجله لجماعة الإخوان، بقوله: فيه مسئول قطري كلمه امبارح”.
وأضاف عبد الخالق “هشام عبد الله بتاع الإخوان كلمه امبارح، وقاله فيه طيارة خاصة جايالك”، مؤكدًا على أن الإخوان هم من ضموا نجله لهم، متابعاً: “معتز مطر قاله إنت خلاص انضميت لينا”، في إشارة منه للإخوان.
“لو ما اشتغلناش مع الجيش كان زمنا بنبيع بودرة”
قال الكابتن علي عبد الخالق، والد الممثل الهارب محمد علي صاحب الفيديو المسيء لمصر، إنه لو لم يعمل مع القوات المسلحة لكان تاجر في المخدرات، بقوله: “كان زمنا بنبيع بودرة”.
وأوضح عبد الخالق، أنه لو لم يكن يعمل مع الجيش لاتهمه الجميع بأنه “بائع بودرة”، ولو عمل في القطاع الخاص، مضيفتًا أنه طالب نجله بالاعتذار والظهور في مقطع فيديو آخر يحسن موقفه، موضحًا أن الفيديو كان صادم له.
“كان ليا ابن ميت وبقوا اتنين”
قال الكابتن علي عبد الخالق، والد الممثل الهارب محمد علي صاحب الفيديو المسيء لمصر، “إحنا بنتدمر وسمعتنا بقت زفت وتاريخنا اتمسح، مكنتش اتمنى أنهي حياتي كده، كان الوزراء بيستقبلونا على الطيارات”.
وأضاف عبد الخالق، “شردت عيالك وشردتنا، بلاش السكة المقفولة دي، ودي مش بتاعتنا”، متابعًا والدموع تنزرف من عينه: “بتهينا ليه؟.. ارجع ورد كرامتنا.. مفيش مبرر ولا حاجة تخليك تقول كده، نفسي اروح اجيبه لو البلد تسمح لي بكده”.
وأردف والد الممثل الهارب محمد علي: “ليه ليه ندوس على النعمة اللي إحنا فيها، ده شاري فلة عشان يطلع بصيف فيها، عشان ميقعدش في فندق وحد يضايقه”.
واستكمل: “إحنا متدمرين والبلد عندي كلها متدمرة، التاريخ اللي بنيته كله اتهد، اللي بيحصل ده مش محمد، اللي بني مسجد في بلده، نفسي أشوف محمد ابني.. كان أملي في الحياة، وفجأة راح، كان عندي ابن متوفي في القوات المسلحة أخو والوقتي بقوا اتنين، أنا قولت لأخوه لو رجع فهو ميت فضل فهو ميت بعد الكلام ده”.
