رسالة قاسية للمقاول محمد علي من والدته: “دعوتي تطيرك.. الله يخرب بيتك عندك عيال” (فيديو)

عرض الإعلامي عمرو أديب، رسالة صوتية من والدة المقاول محمد علي ، أثناء إرسال مقطع له، بقوله: “يا محمد عامل إيه.. يا رب تكون مبسوط ببرشلونة بتاعتك دي”.

وأضافت والدة محمد علي خلال رسالتها التي تم عرضها ببرنامج “الحكاية” المذاع على فضائية “إم بي سي مصر”، “لازم تعرف إن دعوة من أمك تطيرك”.

وتابعت والدته، “أي حاجة بتحصلك من دعوتي عليك، لإنك هربت، وإنت هربنا عشان عارف إنك ملكش قيمة وسط الناس”.

واستكملت والدة المقاول محمد علي، “ابعت حق ولاد أخوك إبراهيم الله يرحمه وحقي.. عشان ربنا ممكن يغفرلك، الله يخربيتك عندك عيال”.

“كان ليا ابن ميت وبقوا اتنين”.. والد محمد علي يبكي: “هد تاريخنا وشردنا أنا وعياله وإخواته وأمه”

قال الكابتن علي عبد الخالق، والد الممثل الهارب محمد علي صاحب الفيديو المسيء لمصر، في وقت سابق “إحنا بنتدمر وسمعتنا بقت زفت وتاريخنا اتمسح، مكنتش اتمنى أنهي حياتي كده، كان الوزراء بيستقبلونا على الطيارات”.

وأضاف عبد الخالق، خلال لقائه مع الإعلامي أحمد موسى مقدم برنامج “على مسئوليتي” على فضائية “صدى البلد”، “شردت عيالك وشردتنا، بلاش السكة المقفولة دي، ودي مش بتاعتنا”.

وتابع والدموع تنزرف من عينه: “بتهينا ليه؟.. ارجع ورد كرامتنا.. مفيش مبرر ولا حاجة تخليك تقول كده، نفسي اروح اجيبه لو البلد تسمح لي بكده”.

وأردف والد الممثل الهارب محمد علي: “ليه ليه ندوس على النعمة اللي إحنا فيها، ده شاري فلة عشان يطلع بصيف فيها، عشان ميقعدش في فندق وحد يضايقه”.

واستكمل: “إحنا متدمرين والبلد عندي كلها متدمرة، التاريخ اللي بنيته كله اتهد، اللي بيحصل ده مش محمد، اللي بني مسجد في بلده، نفسي أشوف محمد ابني.. كان أملي في الحياة، وفجأة راح، كان عندي ابن متوفي في القوات المسلحة أخو والوقتي بقوا اتنين، أنا قولت لأخوه لو رجع فهو ميت فضل فهو ميت بعد الكلام ده”.

عمرو أديب يسخر من المقاول الهارب: قائد ثورتنا راجل فرفوش

مقطع صوتي للفنان الهارب محمد علي يهاجم والده فيه: “هرجع أديك بالجزمة”