حمو بيكا داعمًا للسيسي: “هيمنع العشوائيات وإحنا عايشين في أمان” (فيديو)
دعم مطرب المهرجانات حمو بيكا، الرئيس عبد الفتاح السيسي، بسب الحملات التي يشنها عليه رواد مواقع التواصل الاجتماعي ضده، وذلك عبر فيديو سجله وشاركه مع جمهوره على “فيس بوك”.
وقال بيكا في الفيديو: “السلام عليكم ورحمة الله وبركاته، معاكوا حمو بيكا، أنا عاوز أقول كلمتين، بموت فيك ياريس، وإحنا معاك مكملين المشوار، وهنفضلوا في ظهرك، وسيبك من أي حاقد بيحقد عليك، إحنا معاك ومش هنسيبوك أبدًا”.
وتابع: “إحنا عايشيين في أمان دي بلدنا مصر، ومش هنسيبوها أبدًا، وإحنا عشنا هنا وهنموتوا هنا ومكملين، وأحلى بلد بلدنا، ولو مش مصدقيين، إنزلوا شوفو مساكن بشرة الخير، وشوفوا الطرق اللي هو عملها، ومش هيخلي عشوائيات، ممكن يكون مش على جيلنا”.
وأضاف: “بس للجيل اللي طالع، ومحدش يقولي انت طالع تقول كدا وبتحور، لأ والله العظيم إحنا عيشنا في أمان من ساعة ما الراجل دا مسك، حمو بيكا بيحبك وجمهوره كله ورا منك، وبموت فيك ياريس”.
وتفاعل عدد كبير من فنانين مصر مع هاشتاج “إحنامعاكياريس”، الذي أطلق في موقع تبادل التغريدات القصيرة”تويتر”، وكان أبرزهم الفنان أحمد بدير، المطربة أنغام، نقيب الموسيقيين الفنان هاني شاكر، الفنان محمود عبد المغني، حجاج عبد العظيم، شعبان عبد الرحيم، حكيم.
