إصابة لاعب المقاصة بقطع في الرباط الصليبي.. وتوني: “هقوم منها أفضل وأقوي”

تعرض محمد توني لاعب مصر المقاصة، إلى إصابة بقطع في الرباط الصليبي بمران الفريق الفيومي، ليغيب عن الفريق لمدة طويلة.

من جانبه علق توني على الإصابة قائلا عبر حسابه الرسمي فيسبوك: “لكل الناس اللي كلمتني وبتكلمني واللي عاوز يطمن علي.. ربنا يخليكم ليا يارب وميحرمنيش من سؤالكم علي دايما.. متخافوش عليه خالص أنا اتصابت في التمرين وجالي قطع في الرباط الصليبي حاجة بسيطة والله خالص، أنا كويس جدا جدا جدا وراضي جدا باللي ربنا كاتبهولي وعلى أتم الاستعداد لأي حاجة ربنا يبتليني بيها الحمد لله”.

وتابع توني: “المهم متقلقوش علي خالص لأن في أقرب وقت هتلاقوني في الملعب وأفضل من الأول بفضل ربنا أولا وإرادتي ثانيا، أنا عديت بحاجات أقوي من كدا بكتير وقومت وبإذن الله هقوم منها أفضل وأقوي.. تاني متشكر جدا جدا ليكم”.