أحمد فهمي يكشف تفاصيل مرض هنا الزاهد بعد دخولها المستشفى في شهر العسل (صورة)

كشف الفنان أحمد فهمي، تفاصيل مرض هنا الزاهد زوجته، والتي أعلن إصابتها مساء أمس من خلال نشر صورة لها، بالمستشفى أثناء قضائهم إجازة شهر العسل.

وكتب فهمي، على حسابه الشخصي بـ”فيس بوك”، تدوينة، قال فيها: “شكرًا لكل الناس اللي بتسأل على هنا و معلش مش عارف أرد على كل الناس لأنى كنت محتاس لوحدى .. الموضوع أننا في المستشفى هنا في سنغافورة و هنقعد ثلاث أيام تحت الملاحظة و لو محصلش تحسن هيبقى في جراحة”.

وأضاف: ” الموضوع بايخ و مفاجىء بس بشكر د أشرف زكي فعلا .. و الدكاترة المصريين د أشرف أبو الهوا و د أحمد نجم،  اللي متابعين من مصر الحالة مع الدكاترة هنا .. و بشكر معالي السفير محمد أبو الخير اللي واقف معانا جامد هو و المصريين في السفارة و على رأسهم، أ محمد زغلول و طبعا أ ضياء محمد كامل اللي واقف جنبى جامد من مصر … إن شاء الله خير”.

الحسد السبب.. هنا الزاهد ترقد في المستشفى بشهر العسل بعد تعرضها لوعكة صحية (صورة)

وأعلن مساء أمس، النجم أحمد فهمي، إصابة زوجته الفنانة الشابة هنا الزاهد، أثناء قضائهم إجازة شهر العسل، وذلك عبر حسابه الشخصي بموقع “انستجرام،

وكتب فهمي، على الصورة التي نشرها:”عامة أنا مليش في الحركات البيئة زي دى خالص ولا عمرى كنت هجيب سيرة ولا أنزل صور زي دي و بقالي شوية بهزر مع صحابى الزماكاوية عالماتش”.

وأضاف:”بس إحنا برا مصر أنا وهنا وبقالنا يومين بنروح لدكاترة عشان هنا تعبانة ودلوقتي رحنا لتالت مرة عشان تعبت تاني جدا.. بجد فى ناس مركزة أوى اوى أوى معانا لدرجة أن فى مهرجان (مش الجونة) كان من كام يوم مبيسألوش أي حد من الزملاء عن الجائزة اللي واخدها لأ بيسألوهم عننا وعن الفرح”.

وتابع: “وعن تدخلى في شغل هنا والغريب أن في بعض الزملاء خاضوا في حياتنا الشخصية.. بجد شكرًا جدًا لكل الناس اللي فرحنا لنا من قلبها وربنا يديمكو نعمة.. أما بجد اللي مركزين ارجوكوا الحياة مش ناقصة.. إحنا فى شهر العسل وبايتين اهو في المستشفى”.

نشرت الفنانة هنا الزاهد ، دعاء عبر حسابها الشخصي بموقع تبادل الصور الشهير”انستجرام”، وذلك بعدما أصيبة بوعكة صحية مؤخرا دخلت على أثرها المستشفيأ ثناء تواجدهم في شهر العسل، بعد زواجهم بـ10 أيام فقط.

وقالت الفنانة فى تدويتها:”اللهم اشفيني فأنت القوي لا شافي سواك، اللهم انت أعلم بوجعي، ربي اشفيني شفاءا لا يغادر سقما عاجلا غير آدجل، اللهم اخرج كل سوء ومكروه من جسدي”.