ريم البارودي لـ”وفاء عامر”: “أنا نجحت والفضل يرجع ليكي” (صور)

وجهت الفنانة ريم البارودي رسالة مؤثرة، وبالغة الشكر للفنانة وفاء عامر، ونشرت بعض الصور التي تجمعهما سوياً، عبر حسابها على “انستجرام“.

وعبرت البارودي عن مقدار تقديرها وحبها لوفاء بسبب دعمها المستمر ومساندتها لها في أصعب المواقف.

وكتبت البارودي على الصور:”بطبطبي على قلبي كأني حتة منك، مهما كتبت عمري ما أعرف أوصف أخلاقك وحنيتك وجدعنتك دي سنين طويلة، وجودك في حياتي نعمة كبيرة”.

وأضافت:”البوست ده علي إحدى المكالمات الهاتفية اللي بينا النجمة الكبيرة وفاء عامر، كلمتها الفجر وأنا في حالة عصبية شديدة، قولتها بقالنا كتير مش بنصور وراجعين التصوير وعندي بكرة الصبح مشهد صعب جدًا مستر سين”.

وتابعت: “وعمري ماعملت حاجة شبهه كده، موت ابني طفل وأنا مش أم ومش عارفة الإحساس، وهل هو مختلف عن موت الأب والأم، وكنت خايفه خوف لإن كل أم هتتفرج، جوابتني على كل التساؤلات اللي بدور في عقلي وقلبي حتى من غير ما أقولها”.

رد الجميل

وأستكملت:”عمري ما انسى ردك وأنت بتقوليلي أمينة رزق لم تنجب، وبخبرتك وعشقك للفن كأنك مدرس وبيذاكر ويراجع مع تلميذه عشان داخل امتحان، شكرًا وهفضل دايمًا أشكرك على وجودك في حياتي، لأنه فرق كتير في حياتي قيد عائلي أهم مشهدين كانوا النهاردة، أنا نجحت ياوفاء والفضل يرجع ليكي”.

لترد عليها وفاء عامر معبرة عن فرحتها قائلة:”فرحانة بيكي، وليكي وفخورة إن عندنا إحساس زي ده، بحبك يا أحلى إحساس مختلف، وربنا عوضك نجاح تستهليه بجد”.

فالحمد لله على نعمة الرضا و العطاء والإبداع، فلولا إنك موهوبة ما كان نجاح، رهاني على موهبة لم يخذلني ربي فيها، مبروك لك ولكل المحترمين الذين يصدقون ما يعيشوه من أحاسيس و مشاعر فعلًا المجد لهم”.

ودائمًا ما تساند وفاء ريم في أزماتها، فكانت هي الداعم الأكبر لها أثناء أزمتها مع طليقها الفنان أحمد سعد.

وحصد مشهد موت أبن ريم البارودي بمسلسل “قيد عائلي” على إعجاب عدد كبير من متابعي السوشيال ميديا.

يُعرض مسلسل “قيد عائلي” على شاشة DMC في تمام الحادية عشر مساءً، من يوم الأحد إلى الخميس.

ريم البارودي تطالب بتكريم إنعام سالوسة في المهرجانات الفنية (صورة)