• بحث عن
  • بسمة وهبة عن سعر ساندوتش جبنة في سويسرا: “رجعوني بلدي” (فيديو)

    عبرت الإعلامية بسمة وهبة، عن استياءها من سعر ساندوتش جبنة، في سويسرا، أثناء تواجدها هناك لزيارة ابنها عبدالرحمن الذي يدرس هناك.

    ونشرت بسمة فيديو، خلال تواجدها مع ابنها في المطعم، وظهرت فيه وهي حاملة للساندوتش وتعرضه لمتابعيها، تعرفهم مدى غلاء الأسعار هناك، بالنسبة لساندوتش جبنة.

    وقالت بسمة في الفيديو: “ساندوتش جبنة وشوية جرجير وطماطم حتى مش كاملة، يرضي حد دا ياجماعة بـ90 جنيه، الحياة غالية في سويسرا، اللي جابرني أننا عايزين ابننا يتعلم أحلى تعليم، أنا مش هاجي هنا تاني بجد راجعة مصر، لو عايز تشوفني ياعبده تنزل مصر”.

    وتابعت: “تيجي مصر أوفر تذكرة سياحية، وناكل جبنة كيلو، ونعزم الجيران والصحاب، وعربية جرجير، والطماطم شبكة قد كدا، ولا تحصل 70 جنية، لا مش موافقة مفيهاش حاجة لما أشكي للناس، واقولهم أنه غالي”.

     

    View this post on Instagram

     

    ساندويتش جبنة ب ٩٠ جنية ، ليه 😂😂😂 #رجعوني_بلدي #بسمة_وهبة #باب_للأمل

    A post shared by Basma Wahba (@basma_wahba) on

    بسمة وهبة تفاجئ ابنها في سويسرا بحمام وملوخية وفطير مشلتت (فيديو)

    يذكر أن تزور الإعلامية بسمة وهبة، حاليًا نجلها عبد الرحمن، والذي يدرس في جينيف بسويسرا، حسبما أعلن في وقت سابق على حسابها الشخصي بـ”انستجرام”.

    وبدأت وهبة حديثها قائلة: “مساء الخير أنا لسه واصله سويسرا چينيف تحديدًا، حبيت حد يشاركني الفرحة اللي أنا فيها، أنا جاية أشوف عبد الرحمن ابني وحشني بحبه جدًا”.

    وأضافت: “ببقى مشغولة عليه لأنه بيدرس وفي الغربة لوحده زي أم سمعاني دلوقت وابنها يدرس ولوحده، أنا لسه باخد الشنط واقفة،  على السير ومستنيه أخد الشنطة بتاعتي ربنا يستر عليها”.

    وتابعت: ” حبيت تشاركوني هذه اللحظة الحاسمة، لأني جايبه له ملوخية عشان أعملها، وكمان لحمة لأن اللحمة المصرية حلوة جدًا لأن المراعي عندنا أفضل، وفطير مشلتت لأن مافيش وبلاش تسمعوا الباقي وربنا يستر وأعرف أعدي بالحاجات دي”.

    الوسوم

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    زر الذهاب إلى الأعلى

    إغلاق