الخميس 28 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

“بقت تهمة”.. إسعاد يونس تُعلق بطريقة ساخرة على قصة مصطفى أبو تورتة (صورة)

القاهرة 24
فن
الخميس 03/أكتوبر/2019 - 05:25 م

علقت الفنانة والإعلامية الكبيرة إسعاد يونس، على قصة “مصطفى أبو تورتة”، وخطيبته نهال شعبان، الذين أصبحوا حديث مستخدمو مواقع التواصل الاجتماعي، بعدما تركها في يوم الخطوبة وأخذ التورتة معه.

ونشرت يونس صورة لها، من داخل كواليس تصوير حلقة ببرنامجها “صاحبة السعادة”، وأمامها على الترابيزة تورتة، وعلقت قائلة: “التورته دي بتاعتي أنا اللي جيباها، اصلها بقت تهمه اليومين دول”.

وأثار شاب يدعى مصطفى، جدلًا واسعًا على مواقع التواصل الاجتماعي المختلفة، بعدما ترك خطيبته في قاعة الحفل، وذهب بحجته سوء الحالة الصحية لخاله الذي كان يعاني من مرض السرطان، وأخذ التورتة معه.

 

 

View this post on Instagram

 

التورته دي بتاعتي أنا اللي جيباها، اصلها بقت تهمه اليومين دول ??

A post shared by Esaad Younes (@essyounis) on Oct 3, 2019 at 7:44am PDT

 

والبداية كانت حينما نشرت فتاة تدعي نهال، منشورًا على موقع التواصل الاجتماعي “فيس بوك”، تروي قصة انفصالها من خطيبها الذي تركها أثناء حفل خطوبتهما بإحدى قاعات الأفراح، ورحل بعد أن أخذ “التورتة”.

وعلى الفور تداول مستخدمو مواقع التواصل الاجتماعي الرواية، ما بين مؤيد لمصطفى ومهاجم، إلا أن الغالبية من مستخدمي المواقع، هاجموا الشاب وأطلقوا هاشتاج “مصطفى أبو تورتة”، والذي تصدر مواقع التواصل الاجتماعي.

تفاصيل واقعة مصطفى أبو تورتة

وكتبت نهال شعبان، تفاصيل قصتها: “أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما طلب حاجة وقولت دا عادي بيحصل بس الي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت بركتلي وقولت أمشي اليوم”.

وقالت الفتاة: “كل ما أقوله فين الشبكه اللي هنلبسها يقولي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال أيه خالوا تعب! في يقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيطلم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان”.

وأضافت نهال: “والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبسنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت! مجاش في بالي للحظة واحدة انه هيعمل فيا كدا”.

واختتمت الفتاة: “دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل”.

 

تابع مواقعنا