ملك الكاشف تعلن عبورها الجنسي بالكامل.. وتؤكد: “النهاردة بس قدرت أهزم المجتمع” (صورة)

كشفت “المتحولة جنسيا” ملك الكاشف، عبر صفحتها الرسمية على موقع التواصل الاجتماعي، فيس بوك، إجرائها لعملية التحول بالكامل، من جسد رجل إلى جسد أنثى.

وأعلنت “ملك الكاشف” إجراء آخر عملية من سلسلة عمليات طويلة للتحول الكامل من جسد إلى آخر قائلة: “النهاردة هو اليوم اللي هزمت فيه المجتمع، من دقائق قليلة خرجت من غرفة العمليات بعد ما أجريت  آخر عملية من سلسلة عمليات عبوري الجنسي و النهاردة جسمي بشكل كامل هو جسد أنثى بعد سنين معاناة في جسم ولد”.

وأردفت الكاشف: “أنا النهاردة حطمت قوالب الذكورية الاجتماعية اللي كانت بتحاربني طول الوقت و تفضل تقولي، إزاي راجل يتخلى عن رجولته و يقبل يكون ست ده حتى الراجل ميعيبوش إلا جيبه، إنما الست مقيدة بالعادات و التقاليد”.

وأكدت الكاشف على تخليها الكامل عن الأفكار التي رفضتها في المجمع: ” النهاردة انا قررت أجاوب عالسؤال ده و أقول إن الست زي الراجل مبيفرقش بينهم غير أعضاء شكلها مختلف، وأن كوني ست يخليني أبقى سعيدة، وأنا بتخلى عن رجولتي اللي كانت محصورة في جسم بس عشان أكون نفسي و أتصالح مع نفسي وجسمي لحد ما أموت، النهاردة أنا هزمت أهلي و المجتمع و كل حد آذاني عشان كوني ملك شر هزيمة، وآخيرا مفيش عياط قدام المراية ولا هيستيريا ولا خوف ولا كسوف ولا قلق لأن من النهاردة مفيش غير ملك و بس”.

كانت نيابة أمن الدولة قد أخلت سبيل ملك الكاشف المتحولة جنسيًا، على ذمة القضية رقم 1739 لسنة 2018 حصر أمن الدولة، بعد أن وجهت لها اتهامات بمشاركة جماعة إرهابية في أغراضها.

وحصل “القاهرة 24” على صور أول ظهور لملك وهي تتوسط أصدقائها، بعدما خرجت في الساعات الأولى من صباح اليوم من محبسها، على ذمة القضية.

فيما تم القبض على ملك الكاشف، في القضية المعروفة إعلاميًا باسم قضية 1 مارس، وسبق وقامت مصلحة السجون بالكشف الشرجي عليها، باعتبار انها من المتحولين جنسيًا للتعرف على هويتها الجنسية، ليتم التعامل معها على هذه الأساس داخل السجون.

يذكر أن عمر محمد، محامي ملك الكاشف، “المتحولة جنسيًا”، قال إنها محتجزة في الحبس الانفرادي بقسم شرطة الهرم، وذلك بعد 3 أيام من عدم التمكن من معرفة مكان احتجازها.

أول ظهور لـ”ملك الكاشف” المتحولة جنسيًا بعد الإفراج عنها (صور)