“راجح قاتل”.. قصة هاشتاج تصدر “تويتر” عن جريمة قتل بالمنوفية (فيديو)
تصدر هاشتاج “راجح قاتل” موقع التواصل الاجتماعي “تويتر” بعد ساعات من وقوع جريمة قتل بمدينة تلا في محافظة المنوفية.
وأكد المشاركون فى الهاشتاج في تغريداتهم مصرع الشاب محمود البنا، من مركز تلا 18 سنة، على يد راجح 20 سنة.
وتبين أن المجني عليه عاتب الجاني لتحرشه بفتاة في الشارع، الأمر إلذي أثار غضب الجاني وقام بإخراج سلاح أبيض “مطواة” من ملابسه وطعن المجني عليه طعنات نافذة في الرقبة والبطن وفر هارباً.
وقال أحد المشاركين فى الهاشتاج إن بداية القصة: “شاب من تلا 18 سنة، لقى ولد معروف انه بلطجي موقف بنت ف الشارع وبيزعق لها فبطريقة ما اتصدر علشان يدافع عنها ولما رجع نزل ستوري ان ال يزعق لحرمة يبقى حرمة زيها المجرم عرف طعن الولد بمطوة ف رقبته وبطنه وقتله وهرب. دلوقتي شباب تلا عاملين هاشتاج راجح قاتل”.
وطالب المشاركين بسرعة ضبط المتهم ومحاكمته قائلة: “لما ولد يبقى خارج من بيته رايح درس يرجع مقتول يبقى هنعيش ازاي هنخرج من بيوتنا ازاي يعني كدا المفروض كل واحد يخرج من بيته بسلاح عشان يحمي نفسه من الآشكال الزباله دي راجح دا لازم يبقى عبره لكل بلطجي زيه ولكل ولي أمر طالق ابنه فالشارع بدون رقيب”.
مقطع فيديو متداول للحظة اعتداء راجح على محمود البنا
حسبي الله ونعم الوكيل #راجح_قاتل pic.twitter.com/xVIwqi9OQY
— Shady (@shady74_ahmed) October 9, 2019
حسبي الله و نعم الوكيل بجد عيال مشافتش ب ٢جنيه تربيه بياتكتروا عليه عشان يقتلوه و كأنها بقت حاجه سهله عندهم كدا والله ربنا ينتقم من كل واحد فيهم و يعرفوا ان الله حق #راجح_قاتل #محمود_البنا pic.twitter.com/xjG0Wco2EA
— Salmaafouad_ (@Salmaafouad1) October 9, 2019