السيسي ردًا على لقائه بالإعلاميين: “لازم اللي يقعد معايا يكون ملم بالقضية ميضيعش وقته ووقتي” (فيديو)
قال الرئيس عبد الفتاح السيسي، رداً على سؤال من مصطفى بكري عضو مجلس النواب، عن طلبه اجتماع الرئيس برموز الإعلام: ”أنا طالب من مؤتمر الشباب وديماً بقولها، لا بد من تطوير المنظومة لمناهضة التطوير الذي نشهد من الجانب الآخر”.
وأضاف السيسي: “بكون سعيد إني بلتقي مع الناس واتكلم معاهم، لكن لا بد أن يكون الحديث له فائدة وواضح ومحدد”، متابعاً: “أنا كنت مهتم بحب مصر وأنا صغير قوي قوي، بحبها ومهتم بيها من قبل 40 سنة، ولا أحد يزايد على وطنية شخص”.
وتابع، إنه يرحب بأي فئة تريد الجلوس معه، متابعاً: “بكون سعيد لما بقعد مع حد، وبتكلم معاه واسمع له، بس لازم يكون الكلام مليان، نستفيد منه متضيعش وقتك ووقتي، ولازم تكون ملم بالقضية كويس”.
السيسي: “أنا كنت مهتم بحب مصر وأنا صغير قوي قوي”
وأضاف الرئيس السيسي، أنه لو سنلتقي للإفادة فأنا غير ممانع، مستشهداً بأحد الشكوى والاقتراحات الغير مدروسة من أحد الأفراد مطالبًا أثناء جلسة معه بزيادة الفرد 1000 جنيه على التموين، متابعاً: “أنا مش مستكتر نفسي عن الكلام، بس لازم يكون الحوار ثري لازم يكون الموضوع متكامل وواضح، الكلام ده محتاج 70 مليار في السنة”.
وأردف: “مينفعش أقول يله نعمله، وإنت مش دارس فنقع في غلط، لازم ميكنش الكلام في إطار حوار وشكوى، مستعد أقعد مع أي حد في مصر، بس لازم اللي يقعد معايا يكون عارف القضية كويس، عشان لو قالي مقترح مدروس فأنا معاكم، وهي مصلحتنا كلنا، ومحدش بيزايد على حد، كلنا بنحب مصر بس لازم تكون المنظومة متكاملة”.
السيسي: طائرة وزيري الدفاع والداخلية السابقين تعرضت لعمل إرهابي بشمال سيناء
