ضحية راجح.. تفاصيل اللحظات الأخيرة لموت محمود البنا شهيد المنوفية

نشرت الصفحة الخاصة بالطالب محمود البنا، والتى تطالب بإعدام محمود راجح ، قاتل شهيد الشهامة، كواليس تفاصيل اللحظات الأخيرة، والتى أوقعت الضحية عقب قيامه بالدفا عن فتاة.

وقالت الصفحة:”الناس الي بتسال عن قصه محمود محمود الله يرحمه كان ماشي في الشارع هو وصحابه شاف بنت الواد دا اسمو محمد راجح والبت اسمها فاطمة المغازي محمود شاف المتهم وهو بيضرب فاطمة راح يحوش، محمود روح ونزل علي الواتس الي يضرب بنت ميبقاش راجل ويبقا زايه زي راجح”.

وتابعت الصفحة:” المتهم شاف الحالة رن عليه وهدد أخويا وقاله لو شوفتك هقتلك محمود نزل تاني يوم عادي وإحنا منعرفش حاجة، ونظره عينه لينا اكنو مش هنشوفه تاني وكان أول مره يبوس رجل أمي ويسلم علي ويقول عايزة حاجا قولتله لا يا حبيبي وكان وشه أبيض جامد وعينه كانت حلوه وهو بيقفل بابا الشقه وبيمشي أمي عيطت”.

خايفة على محمود

وأكملت الصفحة:”قالت أنا خايفة علي محمود قولتله خايفة عليه من أيه قالت معرفش قولتله محمود راجل بعده بي نص ساعه لقينا صوت صويت أمي رجله وقفت عن المشي وكانت بتزحف علي الأرض لأنها عارفه أن محمود حصله حاجة راجح عور أخويا محمود بالمطواه في رقبته طلع يجري عند البيت وهو متعور قام طلع يجري وراه”.

وأضافت الصفحة:”محمود بيعيط وكنت أول مرة أشوف الدمعة من أخويا سندي ضهري وقام طعنه 25 طعنة في بطنه وضهره، وأيده وكتفه وضربو بي الحديدة علي دماغه لقينا واقع علي الأرض، وبيطلع في الروح أمي نزلت من علي السلالم زحف وهي بتعيط وتقول ابني بصوت عالي لغاية ما نزلت قام مسك ايدها وقاله متخافيش ابنك عاش راجل ومات راجل”.

وأكملت الصفحة:”محمود نطق الشهادة أشهد لا اله إلا الله وأن محمد رسول الله فوض أمري ليك يا أمر عينه، قفلت ومات امي صوتت الله سبحان وتعاله خل محمود يفتح عينه تاني لغايه ما تبوصه وقفل عينه ومات”.