مرتضى منصور: “مباراتنا الجاية مع حلمي طولان هنكسب 6 أو 7”
علق المستشار مرتضى منصور ، رئيس نادي الزمالك، على فوز النادي على نظيره جينيراسيون فوت السنغالى فى دور المجموعات لبطولة دوري أبطال إفريقيا، قائلا:”الناس اللى بتعلق على المباراة وبتقول الأداء وحش دى عيال تافهة لأن ظروف المباراة صعبة جدا، ولو أنا عرفت أن البعثة عايزة تتصور معايا كنت روحت واتصورت وقابلت البت السمراء واتصورت”.
وقال مرتضى منصور، خلال مداخلة هاتفية لبرنامج الزمالك اليوم،:”اللى معاهم لابس أبيض ده القنصل السنغالى وكانوا فرحانين بيا وأنا فرحت بيهم، وسعيد بيهم وبكل البثعة أهلا بالاخوة السنغاليين فى مصر، وزى ما فى مرضى نفسيين فى الزمالك فى مرضى نفسيين فى الأهلي”.
وأضاف مرتضى منصور:”فى أيه يلا ما تفوق بنكسب وتطلع شوية عيال تقول أصل المدرب وأصل اللاعب وصلنا الدور التانى ولا لا، وده بطل دوري السنغال وأنا بلاعب فريق بطل، لكن فلوس عباس والعتال بتترمى تحت الجزم، وظروف المباراة صعبة الحارس اتصاب والمهاجم والباك”.
وأكمل مرتضى منصور:”عندك ماتش مع حلمى طولان هنكسبه 6 او 7، وحاليا أنا الأول فى اليد والسلة والطائرة والسباحة والتنس، عايز اعرف في أيه بالظبط أيه الاجرام ده والرشاوي الوسخة، والإعلام السافل المرتشى اللى بيقبض فاسد عايز يضيع بلد زى مصر مش نادي الزمالك”.
