بعد إصابته بالبهاق.. رامي جمال يوجه رسالة مؤثرة لجمهوره (صورة)
أعلن الفنان رامي جمال، إصابته بمرض البهاق منذ فترة، مشيرًا إلى تفكيره في اعتزال الفن حال عدم تقبل الجمهور له بعد هذا المرض.
وكتب رامي عبر حسابه الشخصي بموقع التواصل الاجتماعي”فيس بوك”: “الحمد لله الذي أحبني فابتلاني وأقدرني على الصبر من فترة ظهرت بقع بيضاء في جسمي وبالكشف عرفت إنه مرض البهاق وجربت أنواع علاج كتير ودكاترة كتير ومفيش فايدة رضيت وسلمت أمري لله علشان عرفت إن الزعل بيزوده وكفاية شغلانتي وصعوبتها والقلق الدائم من المستقبل وفعلا بقي بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم واللي يسألني هو ده معدي، أنا بقالي سنة فعلا لو عندي حفلة أو تصویر بتعب على ما أشوف طريقة أخفيه بيها لدرجة خلت ناس تقوللي شوف بيزنس تاني اعمله علشان الناس مش هتقبلك كده فكرت في كلامهم بصراحة ولقيت إن عندي حلين یا فعلا شكرا لحد كده على الشغلانة دي رغم حبي ليها وعدم معرفتي بغيرها، یا إما مش هداريه تاني وتقبلوني بيه وترحمو كل اللي ربنا ابتلاهم بيه من نظرة إن شكله غريب، الحمد لله على نعمة الأهل لأنهم الوحيدين اللي بيقبلو الواحد زي ما هو طولت عليكم بس قلت أشارككم في حياة فنان”.
وفي وقت سابق، أعلن النجم رامي جمال، انتهاءه من تنفيذ أغنيات ألبومه الجديد، المقرر طرحه خلال الفترة القليلة المقبلة، وذلك حسبما أعلن على “تويتر”.
رامي جمال يُعلن انتهاءه من تنفيذ جميع أغاني ألبومه الجديد
وكتب جمال: “تم الانتهاء من اختيار وتنفيذ جميع أغاني ألبومي الجديد وقريبا جدًا إن شاء الله يتم تسليمه لشركة نجوم ريكوردز لبدء تنفيذ مرحلة ما قبل النزول والنزول وأعد بألبوم مختلف لمرحلة مختلفة دعواتكم”.
