أول ظهور لرامي جمال بعد الإعلان عن إصابته بالبهاق.. ماذا يفعل مع أنغام؟! (صورة)
نشرت الفنانة أنغام، عبر حسابها الشخصي بموقع التواصل الاجتماعي” الفيس بوك”، صورة تجمعها مع زوجها الموزع أحمد إبراهيم ، والفنان رامي جمال في أول ظهور له بعد إعلان إصابته بمرض البهاق، كما كشفت أنغام عن السبب الذي جمعهما معا في هذا الوقت.
وعلقت أنغام على الصورة، قائلة:”حاليا مجتمعين عند أحمد في الاستديو أنا والملحن والمغني الرائع رامي جمال شغالين في أغنية ونجاحات جديدة بإذن الله”.
مرض رامي جمال
وكتب رامي عبر حسابه الشخصي بموقع التواصل الاجتماعي”فيس بوك” قائلًا: “الحمد لله الذي أحبني فابتلاني وأقدرني على الصبر من فترة ظهرت بقع بيضاء في جسمي وبالكشف عرفت إنه مرض البهاق وجربت أنواع علاج كتير ودكاترة كتير ومفيش فايدة رضيت وسلمت أمري لله علشان عرفت إن الزعل بيزوده وكفاية شغلانتي وصعوبتها والقلق الدائم من المستقبل”.
وتابع رامي: “فعلا بقي بيزيد لدرجة لفتت نظر ناس كتير اللي بقى يقولي هتتعامل إزاي وأنت فنان واللي يخاف يسلم واللي يسألني هو ده معدي، أنا بقالي سنة فعلا لو عندي حفلة أو تصویر بتعب على ما أشوف طريقة أخفيه بيها لدرجة خلت ناس تقوللي شوف بيزنس تاني اعمله علشان الناس مش هتقبلك كده فكرت في كلامهم بصراحة ولقيت إن عندي حلين یا فعلا شكرا لحد كده على الشغلانة دي رغم حبي ليها وعدم معرفتي بغيرها، یا إما مش هداريه تاني وتقبلوني بيه وترحمو كل اللي ربنا ابتلاهم بيه من نظرة إن شكله غريب، الحمد لله على نعمة الأهل لأنهم الوحيدين اللي بيقبلو الواحد زي ما هو طولت عليكم بس قلت أشارككم في حياة فنان”.
وفي وقت سابق، أعلن النجم رامي جمال، انتهاءه من تنفيذ أغنيات ألبومه الجديد، المقرر طرحه خلال الفترة القليلة المقبلة، وذلك حسبما أعلن على “تويتر”.
وكتب جمال: “تم الانتهاء من اختيار وتنفيذ جميع أغاني ألبومي الجديد وقريبا جدًا إن شاء الله يتم تسليمه لشركة نجوم ريكوردز لبدء تنفيذ مرحلة ما قبل النزول والنزول وأعد بألبوم مختلف لمرحلة مختلفة دعواتكم”.
